расейскі шавінізм

Ці ёсць падставы думаць, што РФ разваліцца, як разваліўся СССР або Расейская імперыя?

Нібыта выпаў з вакна – кажуць, голым

Лімонаў памёр ва ўзросце 77 гадоў

Асудзілі за распальванне міжнацыянальнай варожасці і… вызвалілі ў зале суда. У Менску завяршыўся судовы працэс над публіцыстамі агенцтва «Рэгнум» Юрыем Паўлаўцом, Дзмітрыем Алімкіным і Сяргеем Шыптэнкам. Іх прызналі вінаватымі і асудзілі на 5 гадоў пазбаўлення волі з адтэрмінаваннем на 3 гады.

Разбіральніцтва ў Баранавіцкім райвыканкаме ў справе несанкцыянаванага ўсталявання крыжоў з антыўніяцкімі надпісамі скончылася, цяпер слова – за аблвыканкамам. Чыноўнікі пастанавілі зняць з крыжоў шыльды. Але ці адкажуць што-кольвек улады на новы выклік – распальванне міжканфесійнай варажнечы ў Беларусі?

Скандальная гісторыя, выкрытая журналістамі «Нашай Нівы».Сусветная габрэйская змова, масоны, канцэпцыя кіравання свядомасцю, альтэрнатыўная фізіка, Іосіф Сталін і старажытнаславянскія богі. Тэмы, перамяшаныя да стану кашы, дзякуючы расейскім тэлеканалам і выдавецтвам, надзейна пасяліліся ў свядомасці людзей. Нібыта нічога незвычайнага, але ў Беларусі прапагандысты гэтых дэструктыўных ідэяў свабодна праводзяць свае лекцыі пра масонскую змову сярод чыноўнікаў ды ідэолагаў. За беларускія грошы яны прапагандуюць рускі свет.

Разгараецца новая вайна паміж саюзнікамі – тэлевізійная. Забараніць уезд на тэрыторыю Беларусі вядоўцам расейскага НТВ, а таксама даць канкрэтны сігнал з боку МЗС расейскім палітыкам. Такія заклікі гучаць у дзяржаўных медыях Беларусі. Гэта сталася рэакцыяй на параўнанні ў расейскім эфіры палітыкі Лукашэнкі ці то з гуляшчаю жонкаю, ці то з гуляшчым мужам.

Беларусы мусяць ісці выключна «агульнарускім» шляхам у «Рускі свет». У гэтым перакананыя аўтары кніг альтэрнатыўнай гісторыі нашай дзяржавы, што выступалі ў Маскве на прэзентацыі адмысловай прапагандысцкай літаратуры. Чаму заходнерусісты называюць героем Мураўёва-вешальніка?

Падзея, якая абурыла грамадства. Напярэдадні ўвечары, без дазволу ўладаў, з агітацыйнай сімволікай вуліцамі Менску праехала аўтакалона палітычных актывістаў. Нікога не затрымалі, бо гэта была аўтакалона прапуцінскага «Национально-освободительного движения». Сёння пуцінцы-імперцы планавалі зладзіць малебен у адной з беларускіх цэркваў, але Беларуская праваслаўная царква не дазволіла.

Гэты фільм не пакажуць у дзясятках кінатэатраў па ўсёй Расеі, яго рэжысёру паражалі расправаю. Здавалася б, ці можна жадаць лепшай рэкламнай кампаніі для мастацкага фільму «Мацільда» Аляксея Учыцеля? Пра тое, што можа стаяць за спрэчкаю, якая цягнецца вось ужо год.

Часу да «гадзіны Ікс», калі стане зразумела, чым скончацца маштабныя вучэнні «Захад-2017» застаецца ўсё менш. Тым часам да намаганняў афіцыйнага Менску зняпраўдзіць самыя змрочныя прагнозы далучаюцца і няўрадавыя ініцыятывы.