Павел Шаройка

Акалічнасці шпіёнскага скандалу паміж Менскам і Кіевам, у прыватнасці абнародаванне інфармацыі аб затрыманні Паўла Шаройкі ўкраінскім бокам, сведчаць пра тое, што інтарэсы Украіны і Расеі могуць сітуатыўна супадаць.

Крэмль не забараняў Лукашэнку паездку ў Брусель, так лічыць Богдан Здраеўскі, які ў Еўрапейскім парламенце займаецца адносінамі з Беларуссю, аднак адзін з лідараў беларускай апазіцыі Анатоль Лябедзька з ім не згодны. Мы распавядзем пра тое, што трэба зрабіць, каб Беларусь магла разлічваць на мільярд еўраў ад ЕЗ, а таксама як зайшла ў тупік справа змены назвы вуліцы Браніслава Тарашкевіча ў Бельску Падляскім, палкоўнік Лявон Спаткай прааналізуе, што не клеіцца ў справе ўкраінскага журналіста Паўла Шаройкі ды пакажам чаму ЛНР і ДНР не могуць аб’яднацца ў Наваросію.

Шпіён, які дзенічаў пад выглядам журналіста. Камітэт дзяржбяспекі Беларусі перарваў маўчанне ў справе грамадзяніна Украіны Паўла Шаройкі, затрыманага напрыканцы кастрычніка ў Менску. Згодна з версіяй КДБ, Шаройка стварыў агентурную сетку, каб збіраць інфармацыю пра абароназдольнасць Беларусі. Цяпер супраць яго заведзеная крымінальная справа. Па якой, між іншага, пад вартаю КДБ знаходзіцца таксама і грамадзянін нашае краіны.

На думку Ігара Гузя, апошнія затрыманні ўкраінскіх грамадзянаў на тэрыторыі Беларусі – пуцінская гульня, каб сапсаваць адносіны Беларусі і Украіны.