Міхась Ільін

У Віцебску налета плануюць паставіць Палац шлюбу. Нічога дзіўнага. Але супраць будаўніцтва выступаюць гісторыкі да актывісты. Рэч у тым, што з’явіцца Палац мае ў гістарычным цэнтры гораду. Тэрыторыя ж былога Ніжняга замку – ахоўная гісторыка-культурная зона.

Беларусь і Еўразвяз, будучыня партнёрства – тэма 16-га Менскага форуму. Сталіцу наведалі сотні дэлегатаў з 20 краінаў Еўропы, каб абмеркаваць палітычныя, эканамічныя і грамадскія ініцыятывы. Грамадзянін з ініцыятываю – не канкурэнт уладам, заяўляюць прадстаўнікі грамадзянскай супольнасці. Гэтую тэму абмяркавалі на другі дзень форуму.

Працы – хоць пруд прудзі, кажуць улады. І шукаюць новых дармаедаў. Не чакаючы, пакуль прыйдуць новыя «лісты шчасця», беларусы выправіліся на пошукі працы. На кірмашы вакансіяў у беларускай сталіцы пабываў і наш карэспандэнт Міхась Ільін.

Віцебск сёлета глабальна азелянілі: з ініцыятывы ўладаў пасадзілі каля 10 тысяч дрэваў. Зялёных зонаў асабліва не хапала ў мікрараёне Білева, які амаль поўнасцю складаецца з жылых шматпавярховікаў. Днямі жыхары заўважылі, што пасаджаныя дрэвы – знішчаныя.

Апошні тыдзень жыхары Віцебску актыўна абмяркоўваюць закрыццё на рамонт шляхаправоду «Полацкі» – ледзь не галоўнага транспартнага злучэння гораду. Улады доўга не агучвалі падрабязнасцяў, што, вядома, выклікала ў жыхароў абласнога цэнтру заклапочанасць. Ці не створыць гэта транспартнага калапсу? 

У кароўніку на Гомельшчыне сапраўдны падзеж жывёлы. Целы выкідаюць проста на падворак. Парэшткі нават не спрабуюць прыхаваць. Нейкая новая эпідэмія ці простае бязладдзе кіраўніцтва сельскагаспадарчага прадпрыемства?

«Барацьба з карупцыяй, разгром мафіёзных структураў, якія кіруюць у дзяржаве». Гэта – вытрымка з праграмы кандыдата ў прэзідэнты Аляксандра Лукашэнкі, якая датуецца 1994-м годам. За 24 гады выканаць уласных абяцанняў так і не атрымалася. Чарговы карупцыйны скандал у Беларусі, гэтым разам у Жодзіне. Калі ж чакаць канчатковай перамогі над нячыстымі на руку чыноўнікамі?

1994-ты год – утварэнне беларускай дзяржаўнасці. Уласную сістэму адліку незалежнасці Рэспублікі Беларусь запрапанавала выдавецтва «Беларусь сегодня», якое належыць Адміністрацыі прэзідэнта. Якую дату трэба лічыць пачаткам суверэнітэту Беларусі, ды чаму ідэолагі спрабуюць перапісаць гісторыю?

Нанова асфальтуюць дарогі, мяняюць плітку на ходніках, фарбуюць будынкі ды мыюць помнікі. Гомель рыхтуецца да прыезду Аляксандра Лукашэнкі. Днямі ён тут правядзе сустрэчу з прэзідэнтам Пятром Парашэнкам у межах Форуму рэгіёнаў Беларусі і Украіны.

Ехаць за 35 кіламетраў, каб адчыніць «бальнічны». Можна аўтобусам, які едзе толькі раніцаю і ўвечары, а можна на ровары, каб не быць прывязаным да раскладу. Гэта – магчымая рэчаіснасць жыхароў пасёлку Багушэўск, дзе, паводле розных меркаванняў, шпіталь неўзабаве альбо пераробяць на дзённы стацыянар, альбо зачыняць. Вяскоўцы, якіх такія перспектывы не цешаць, зладзілі стыхійны мітынг.