ЛДПБ

Цэнтрвыбаркам можа падрыхтаваць рэферэндум аб зменах у Канстытуцыі за 60-70 дзён. Пра гэта заявіла Лідзія Ярмошына на адкрыцці вясновай сесіі Палаты прадстаўнікоў. Але калі ён будзе, і на якія пытанні будуць адказваць грамадзяне, залежыць не ад старшыні Цэнтрвыбаркаму. Ці не той гэта рэферэндум, каб падоўжыць тэрмін кіравання Аляксандра Лукашэнкі з 5 да 7 гадоў?

Ветэрану-аўганцу Аляксандру Сахаруку вярнулі бела-чырвона-белы сцяг, які берасцеец разгарнуў у цэнтры свайго гораду 9 траўня, за што і трапіў, у выніку, у пастарунак. Аніякага пакарання, абяцанага тады міліцыянтамі Сахаруку, не адбылося. Дык можа прыспеў той час, калі ўлады ўсё-ткі пачнуць адэкватна ставіцца да нашай нацыянальнай сімволікі? Вось і ліберальна-дэмакратычная партыя загаварыла пра патрэбу ў легалізацыі бела-чырвона-белага сцягу і герба «Пагоня».

Сёння ў Гомлі, Горадні і Магілёве людзі выйшлі на мітынгі супраць дэкрэту «Аб папярэджанні сацыяльнага ўтрыманства».

Нам патрэбныя канстытуцыйныя змены і мы гатовыя іх прапанаваць. Заявіў лідар Аб’яднанай грамадзянскай партыі Анатоль Лябедзька, разважаючы на тэму імавернага рэферэндуму. Пра які апошнім часам шмат размоваў. І калі ў адміністрацыі Лукашэнкі больш зацікаўленыя ў працягу тэрміну прэзідэнцкіх паўнамоцтваў, то апазіцыя заклікае да зменаў, якія наблізяць краіну да дэмакратыі ды паспрыяюць развіццю.