горадабудаўніцтва

Будынкі ў стылі сталінскага ампіру – візітоўка Менску. Але гэты стыль – своеасаблівы помнік Сталіну, таму не лішнім будзе паразважаць, што гэта для беларусаў – спадчына сталінізму ці частка нацыянальнай архітэктуры?

Сёння – Сусветны дзень без аўтамабілю.

Пазітыўны вынік натхняе. У пазамінулым годзе магілёўцы выступілі супраць ушчыльнення і перамаглі. Сёлета эстафету перахапілі іхныя суседзі.

Таннае жытло з умовамі, як у сталіцы? Міністэрства архітэктуры прапаноўвае дазволіць менчукам будавацца ў Смалявічах з дзяржаўным падтрыманнем паводле заяўнага прынцыпу. Вольга Чайчыц наведала горад-спадарожнік, каб даведацца, як жывецца тым, хто ўжо пераехаў.

Вынікі выбараў у Беларусі, на любым узроўні, амаль заўжды можна прадказаць на 100%. Бо вядома хто гэтыя выбары арганізуе, і як лічыць галасы. Таму апазіцыйныя палітыкі выкарыстоўваюць выбарчую кампанію, хутчэй як шанец для больш-менш бяспечнай формы змагання за новых прыхільнікаў. А самыя выбарцы карыстаюцца выбарамі для рашэнне мясцовых праблемаў.

Жыццё без дарог. Некаторыя жыхары мястэчка Глыбокае, што на Віцебшчыне ўжо не першае дзесяцігоддзе чакаюць асфальтавага пакрыцця побач са сваймі дамамі. У дождж ці галалёд праход і праезд па вуліцы робіцца сапраўдным выпрабаваннем. З 2011-га года людзі звяртаюцца ў Глыбоцкі райвыканкам з просьбаю пакласці асфальтавае пакрыццё.

Чарговае ўшчыльненне цэнтру Менску. Жыхары дамоў нумар чатыры ды шэсць на вуліцы Карла Маркса і 9 ды 11 на Кірава аб’ядналіся ў супрацьстаянні з суседам – Памежным камітэтам. І запрасілі «Белсат» асвятляць іхнае змаганне.

У новых мікрараёнах Віцебску не хапае дзіцячых садкоў, школаў, паліклінік. Чакаць на іхнае будаўніцтва часам даводзіцца не адзін год. Між тым, гарадскія ўлады пастанавілі перш наперш укласці сілы і сродкі ў будаўніцтва новага Палацу шлюбаў. Выбіць у чыноўнікаў сацыяльна-значныя аб’екты разам з жыхарамі раёнаў спрабуюць актывісты Беларускай хрысціянскай дэмакратыі.

Кошт чыноўніцкага абяцання адчулі жыхары Гомля. Якім спачатку абяцалі спыніць ушчыльненне, а цяпер мясцовыя ўлад плануюць знішчыць і зялёную зону, і дзіцячыя пляцоўкі. Жыхары па вуліцы Цімафеенкі абураныя і абяцаюць змагацца за сваё да канца.

Пераможны пратэст. Жыхары менскага мікрараёну Уручча-2 выступілі супраць забудовы і перамаглі: ніякіх аўтамабіляў у зялёнай зоне на вуліцы Шугаева не будзе. Але ці надоўга супакоіліся забудоўнікі?

Працягваем сачыць за судовай баталіяй у Гомлі. Нечаканы паварот у цкаванні незалежнага журналіста Сяргея Ляпіна. Ён гучна загаварыў пра будоўлю дому на касцях. Паднялася хваля ў дзяржаўных медыях і пачаліся ціск і суды. І раптам у судзе забудоўнік прапанаваў журналісту міравое пагадненне.

Не дапамаглі ні абурэнні, ні супраціў жыхароў. На мапе Менску як грыбы растуць новыя высоткі. А знікае зеляніна, дрэвы і паркі. Менчукі крычаць, каб спынілі будоўлю. А ўлады кажуць, што стараюцца для людзей, слухаюць ды… робяць па-свойму.