Джон Кенэдзі

Ён папрасіў дазволу на пражыванне ў СССР.

Забойства Кенэдзі – савецкі след, кубінскі след ці можа след амерыканскіх спецслужбаў? Адказаў, якім бы паверылі ўсе амерыканцы не могуць знайсці паўстагоддзя. Новыя спробы знайсці гэтыя адказы следчыя, журналісты, аналітыкі цяпер шукаюць у тысячах рассакрэчаных Доналдам Трампам дакументах. Файлаў амаль 3000, але пад замком застаўся яшчэ 1 % з усіх існых дакументаў аб смерці былога прэзідэнта.

Забойства амерыканскага прэзідэнта Джона Кенэдзі ў Даласе, ЗША, у 1963 годзе сталася адной з самых значных драматычных таямніц ХХ стагоддзя. Меркаваны забойца Лі Гарві Освальд сам быў застрэлены праз двое сутак. Пасля смерці ён уваскрэс як адзін з найвялікшых міфаў усіх часоў. Перад фатальным стрэлам у Даласе амерыканец Освальд доўгі час жыў у савецкай Беларусі ў разгар Халоднай вайны. Памяць пра гэта засталася ў сучасным Менску дасюль.