Даша Зялінская

Крумкач Менскі і Даша Зялінская паспрабуюць зразумець, што перашкаджае ўладам правесці рэформы: запор ці бягунка, даведаюцца, на карысць якой дзяржавы працуе старшыня ЦВК Лідзія Ярмошына, а таксама высветляць, што такое харчаванне «святым духам па талонах».

У новым выданні праграмы «Эксперт» Даша Зялінская і Крумкач Менскі паспрабуюць выканаць важнае заданне «Дзярждэпу» і «гніючай» Еўропы. Агенты высветляць, што ёсць асноўным складнікам унікальнасці беларускай мадэлі развіцця, паспрабуюць уратаваць нармальных беларусаў ад нашэсця гарантоідаў, паразмаўляюць пра новы праект «Аб абыходжанні з жывёлаю», а таксама даведаюцца пра тое, што ўяўляе з сябе гома сапіенс электаральны.

Наш духоўны прэзерватыў на шляху амаралкі. І толькі сямейныя каштоўнасці ратуюць краіну ад «распуснага Дзярждэпу» і «гніючай Гейропы». Беларусь абвесцяць адной сямʼёй.

Даша Зялінская і ейны верны сябар Крумкач Менскі атрымліваюць чарговае заданне варожага Дзярждэпу і «гніючай гейропы». Супрацоўнікі карчмы «У Крумкача» паспрабуюць разабрацца ў нюансах барацьбы з карупцыяй «па-Гарантаўскі», высветляць, хто ж будзе працаваць, калі ўсіх пасадзяць, і даведаюцца пра метад селекцыі чынавенства.

Даша Зялінская і Крумкач Менскі паспрабуюць перашкодзіць стварэнню новага канструктыўнага гімну, даведаюцца, якія заробакі у маладых адмыслоўцаў і ўбачаць фундаментальнае палатно «Гарант забівае Аляксандра Саладуху»

Гарант пайшоў насустрач жаданням працоўных і падвысіў пенсійны ўзрост. Як падкрэсліў галоўны казак краіны Улаховіч, гэта таксама і выкананне патрабаванняў еўрапейскіх калегаў.

Стройнымі ўдарнымі калонамі працоўныя выходзяць на суботнік. Гэткім чынам грамадзяне зняпраўджваюць плёткі «варожага ГасДэпу» і «загніваючай Гейропы» пра пасіўнасць беларусаў. Урад пастанавіў «жэстачайшэ» павялічыць эфектыўнасць працы работнікаў і чыноўнікаў на «дабравольных» пачатках.

Агенты «варожага ГасДэпу» ды «загніваючай Гейропы» Даша Зялінская і Крумкач Менскі створаць у карчме Цэнтр Кіравання Палётамі ды паслухаюць песню старшыні Нацбанку Паўла Калаура.

У рытме працоўных рэкордаў і дасягненняў краіна сустракае юбілей Саюзнай дзяржавы. Але «варожы ГасДэп» і «загніваючая Гейропа» лопаюцца ад зайздрасці.

Гарант выразіў жэстачайшае абурэнне з нагоды сітуацыі па тарыфах «ЖКГ» і пастанавіў пасадзіць дзясятак-другі камунальнікаў. Заходнія лідары, абураныя парушэннем правоў чалавека, загадалі агентам «Крумкача» ўчамярыцца ў судовыя органы з мэтай зрыву паказальнага працэсу.

У дзень мяса Гарант зноў задаўся рытарычным пытаннем: навошта жэрці ноччу мяса з бульбай, калі можна зʼесці бульбу з селядцом?

Захад даслаў новае заданне сваім агентам у менскай кавярні «Крумкач» сарваць стварэнне сталінскай канстытуцыі.

У новым выданні праграмы «Эксперт», агенты «ГасДэпу» Даша Зялінская і ейны сябар Крумкач Менскі створаць Упраўленне выдачы сертыфікатаў на права займацца «балдою», даведаюцца, ці дапаможа палітыка забаронаў і абмежаванняў выйсці з крызісу, а таксама будуць вельмі здзіўленыя тым, што працоўныя беларусы пішуць заявы з просьбаю знізіць ім заробкі.