брат Луіджы

У нядзелю «Белсат» паведамляў пра затрыманне і збіццё міліцыянтамі ўласніка прытулку для бяздомных Аляксея Шчадрова, вядомага як брат Луіджы. Супрацоўнікі Шчучынскага РАУС збівалі Шчадрова, пакуль той не прызнаўся ў крадзяжы, якога не здзяйсняў. Невінаватасць мужчыны пацвердзілі пазней самыя міліцыянты пасля прагляду запісаў відэаназірання.

Усё бліжэй зіма, усё мацней маразы. І ўсё больш людзей рызыкуюць не перажыць гэтую зіму. Гаворка найперш пра бяздомных. Нашыя журналісты даведаліся пра гісторыю аднаго беларуса, які шукаў і знайшоў выратаванне. З пэўнаю дапамогаю ад Вольгі Чайчыц.

Цкаванне апазіцыянераў перайшло з дзяржаўных каналаў у сеціва. Калі раней улады абмяжоўваліся толькі выкрывальнымі сюжэтамі на БТ, то цяпер ствараюць сайты ды робяць рассылкі. Беларускія хрысціянскія дэмакраты мяркуюць, што адзінкавыя сюжэты перараслі ў паўнавартасную вайну са сваймі мэтамі ды стратэгіяй. З гэтае прычыны сябры партыі сабралі адмысловую прэсавую канферэнцыю, прысвечаную кампаніі КДБ супраць БХД і падрыхтавалі заявы ў пракуратуру.

Іншыя тэмы праграмы «Рэпартэр»: Здароўе гэтых дзяцей палепшылася дзякуючы «Белсату» і яго гледачам. Апякунка 20 катоў.