Браслаўскія азёры

Мястэчка Іказнь – тут пасярод возера стаяў грозны замак, які сцярог межы Вялікага Княства Літоўскага. Сёння ад яго засталіся парослыя бур’яном руіны. Беларускі мастак Павел Татарнікаў аднавіў ягоны выгляд. Які сакрэт схаваны пад вадой? Хто знішчыў крэпасць на востраве?

Немалая, але даволі тыповая беларуская вёска на Браслаўшчыне аказалася мясцінай з тысячагадовай гісторыяй. На гэта паказвала сама назва, верагодна ад старажытнаславянскага «пагост» – месца збору даніны.