Банда Молнара

Разбоі, рабункі і вялікія грошы. І ўсё як прывітанне з хвацкіх 90-х. Фігуранты гэтак званай «банды Молнара» дамагаліся змякчэння выракаў у Вярхоўным судзе. Улады і дзяржаўныя СМІ назвалі іх апошняй арганізаванай групоўкай краіны. А вышэйшая інстанцыя была непахіснаю. Рашэнне Магілёўскага абласнога суда засталося нязменным для ўсіх 30-ці фігурантаў справы.

Трыццаць падсудных, сто тамоў крымінальнай справы, паўтысячы пацярпелых паводле версіі следства. У Магілёве ў закрытым рэжыме распачаўся суд над бабруйскаю «Бандай Молнара». Меркаваных удзельнікаў вінавацяць у рабаўніцтве, вымагальніцтве, абароце наркотыкаў. Між тым сваякі абвінавачаных цвердзяць, што гучная справа сфабрыкаваная. І патрабуюць, каб працэс адбываўся адкрыта.