Андрэй Гаўрош

У пятніцу, 6 кастрычніка, судовая калегія па крымінальных справах Менгарсуду пакінула без зменаў прысуд па справе аб стральбе ў навагоднюю ноч.

Ледзь не загінуў ад рук міліцыянта, а цяпер сам пачуў вырак. Суд Маскоўскага раёну сталіцы прызнаў Андрэя Гаўроша вінаватым у непадпарадкаванні працаўніку МУС ды пакараў яго «хатняй хіміяй». Чарговы гучны інцыдэнт з удзелам гэтак званых «праваахоўнікаў» скончыўся не на карысць таго, хто насамрэч пацярпеў.

Другі дзень гучнага судовага працэсу супраць Андрэя Гаўроша, якога ў навагоднюю ноч ледзь не забіў міліцыянт. Версія падзеяў падсуднага пярэчыць учорашнім паказанням працаўніка МУС Руслана Салаўёва. У суд прыйшлі і медычныя работнікі, якія ратавалі цяжка параненага Андрэя. Яны не пацвердзілі, што падчас інцыдэнту той быў у стане цяжкага апʼянення.

Пасля цяжкага ранення – у суд. У сталіцы распачаўся судовы працэс у справе страляніны ў навагоднюю ноч. На лаве падсудных – маладзён, якога прастрэліў міліцыянт. Але пацярпелым выступае… праваахоўнік, які на працэсе блытаўся ў паказаннях. Ад падсуднага ён патрабуе выплаціць кампенсацыю… за пашкоджаную форму.