Анатоль Трафімчык

У ёй загінулі, паводле розных падлікаў, 130 тысячаў нашых суайчыннікаў, а ў выніку тактыкі «выпаленай зямлі» больш за два мільёны беларусаў выселілі ўглыб Расеі.

З аркестрам, партрэтамі Сталіна і Леніна, кветкамі ды савецкімі сцягамі. Беларусь адзначыла сотую гадавіну Кастрычніцкае рэвалюцыі. Афіцыйныя ўрачыстасці на плошчы Незалежнасці ў Менску цягнуліся менш за паўгадзіны. А партыя левых «Справядлівы свет» зладзіла ў сваю чаргу флэшмоб-экскурсію па мясцінах, звязаных з Кастрычнікам. Беларусь засталася адзінай постсавецкай краінаю, якая адзначае гэты дзень на афіцыйным узроўні і называе рэвалюцыю Вялікай Кастрычніцкай.