Праект "Беларус беларусу" для тых, хто мае патрэбу ў падтрымцы, і для тых, хто хоча ды можа падтрымаць. Праграма пра годных вольных беларусаў, якія пацярпелі за свабоду.

Стагоддзе Вінных (Stulecie Winnych), серыял, Польшча, 2019 г. , рэжысёр Пётр Тшаскальскі (Piotr Trzaskalski). Тэлевізійная адаптацыя аднайменнай трылогіі Албэны Грабоўскай, што выйшла ў 2015 годзе і стала бестсэлерам. Эпічны аповед пра некалькі пакаленняў польскай сям’і з мястэчка Брвінаў пачынаецца з часу незадоўга да першай сусветнай вайны, калі нараджаюцца першыя ў сям’і Вінных блізняты: Аня і Маня. Іх маці гіне пры родах, але яе дух суправаджае адну з сясцёр Аню, якая з маленства выяўляе здольнасць прадбачыць будучыню. Пакручастыя павароты лёсу розных чальцоў сям’і паказваюцца на тле драматычных падзеяў 20 - га стагоддзя.

У беларускай турме адбываюць пакаранне больш за 1500 жанчын. Адзінаццаць з іх узялі ўдзел у спектаклі, падрыхтаваным пад наглядам. Падчас рэпетыцыяў яны могуць ненадоўга забыцца пра крымінальнае мінулае, пра дзесьці пакінутыя сем’і і пра далейшае зняволенне. Першы вырак, першы выступ на сцэне, першы выхад на волю - у іхным жыцці гэта суцэльны дэбют. рэж. Настасся Мірашнічэнка, 2019 г. , Беларусь

Героем рэпартажу стаў былы галоўны трэнер беларускай гандбольнай каманды "Віцязь" Канстанцін Якаўлеў.

Студэнтка БНТУ Ліза зладзіла адзіночны пікет у сваім універсітэце. Хутка яна даведалася, што яе асобай цікавіцца КДБ. Ліза пераехала ў Кіеў, а потым у Прагу, дзе працягвае навучанне і дапамагае беларускім палітвязням. Пасля ўдзелу ў пратэставых акцыях на Змітра завялі крымінальную справу. Разам з жонкаю ён быў вымушаны з'ехаць у Бельгію. Цяпер Зміцер і Ганна выступаюць на вуліцах з песнямі, якія забароненыя ў Беларусі. Падляшша гэта рэгіён, дзе стагоддзямі жывуць тысячы этнічных беларусаў. Адна з найбольш яркіх прадстаўніц беларускай меншасці ў Польшчы Ілона Карпюк. Журналістка, вакалістка, колішняя арганізатарка фестывалю Басовішча. Жыве ў Беластоку, дзе працуе як каардынатарка імпрэзаў культурнай установы Nie Teatr.

Ізраільскі Масад, які дзейнічае абсалютна сакрэтна, лічыцца адной з самых эфектыўных службаў выведкі ў свеце. Міні - серыял дазваляе зазірнуць за заслону таямніцаў, пагутарыць з масадаўскімі супрацоўнікамі, былымі і дзейнымі, і дазнацца больш пра пасляваеннае паляванне на нацыстаў, Шасцідзённую вайну, вайну Суднага дня, напад ваяўнікоў на спартоўцаў падчас Мюнхенскай Алімпіяды, іранскі ядравы праект і вярбоўку агентаў у палестынска - ізраільскім канфлікце. Ізраіль, 2017. Рэжысёр Дукі Дрор.

Пракурор і ягоны калега камісар расследуюць незвычайныя справы, раз за разам пераконваючыся, што праўда зусім не заўжды відавочная адразу. Фон і сцэна крымінальных загадак - Варшава ды сучаснае сталічнае жыццё. рэж. Катажына Даміняк (Katarzyna Dominiak), Яцэк Філіпяк (Jacek Filipiak), Мацей Пепшыца (Maciej Pieprzyca), Мар’я Скапска (Maria Skapska), Якуб Велецкі (Jakub Wielecki), 2015 г. , Польшча У ролях: Яцэк Коман (Jacek Koman), Войцех Зеліньскі (Wojciech Zieliński), Дарота Коляк (Dorota Kolak), Маґдалена Турчэневіч (Magdalena Turczeniewicz), Маґдалена Целецка (Magdalena Cielecka) і інш.