Суб'ектыў Зяленскі пажартаваў пра Лукашэнку. NEXTA на «Белсаце»


Кпіў, смяяўся і парадзіраваў. Новаабраны ўкраінскі прэзідэнт не пакінуў сухой ніткі на Лукашэнку. Зяленскі высмейваў кіраўніка Беларусі, калі яшчэ не ведаў, што ім давядзецца сустракацца і супрацоўнічаць. Можа, Лукашэнка ўжо забыўся на кепікі Зяленскага?

Аляксандр Лукашэнка ў двайным шоку: першы шок ад таго, што прэзідэнтаў у краіне можна мяняць, а другі ад таго, што дзейны прэзідэнт Украіны дазволіў адкрыта і шчыра палічыць галасы выбарнікаў – насуперак прагнозам Лукашэнкі.

Аляксандр Лукашэнка, кіраўнік Беларусі:

– Президентом будет Порошенко.

– Точно?

– Абсалютна!

Не памыляўся ў сваіх прагнозах Уладзімір Зяленскі: «Аляксандр Лукашэнка балатуецца на пост прэзідэнта Беларусі. Праўда, сенсацыя? Не правільна ставіцца да выбараў кіраўніка Беларусі як да прадказальнай падзеі: не зразумела, хто зойме другое і трэцяе месцы».

А гэтак у фільме «Слуга народу» праявілася стаўленне да кіраўніка Беларусі: Зяленскі – рыхтуецца да прысягі, яму кажуць, што калі заходзіць Лукашэнка, то «можна не ўставаць».

Зяленскі не толькі смяяўся з кіраўніка Беларусі, але… і ўвасабляўся ў Лукашэнку.

«Я – Лукашенко, добро пожаловать у Мінск».

Ды гэтак таленавіта ўвасабляўся, што і паблытаць можна: «Возьмите меня в группу – будет нормандская пятёрка, хорошо, давайте тогда норманская четверка с половинкой, а на ниточке? А на сопельке?»

Ну і як пасля гэтага яны паглядзяць адзін аднаму ў вочы: Лукашэнка не падтрымліваў Зяленскага, Зяленскі пайшоў далей – высмейваў Лукашэнку, як зрэшты і Пуціна.

Пуцін ужо помсціць, а Аляксандр Рыгоравіч не толькі ўсё дараваў, але і пачаў прымазвацца да поспеху цяперашняга ўжо калегі:

Аляксандр Лукашэнка, кіраўнік Беларусі: «Валодзя Зяленскі – чалавек новы. Так, малады, так – недасведчаны. Я таксама быў некалі маладзейшым і недасведчаным… Мы пабудуем добрыя дачыненні».

Толькі як хто: як кіраўнікі краінаў або як артысты?

«Валодзя Зяленскі шоўмен, артыст. Тут няма чаго смяяцца – кожны прэзідэнт у нечым артыст».

Наш артыст не толькі таленавіты, а надзвычай запатрабаваны: колькі роляў ён згуляў за гэтыя 25 гадоў!

Не ведаем, як у таленце, а ў паказніках народнай любові кумір украінцаў прайграе Лукашэнку. За Зяленскага прагаласавалі нейкія 73 % выбарнікаў, у бацькі ж нашмат большы вынік.

Падтрыманне выбарцаў:

Аляксандр Лукашэнка (2015) – 83,49 %

Аляксандр Лукашэнка (2006) – 82,60 %

Аляксандр Лукашэнка (1994) – 80,60 %

Аляксандр Лукашэнка (2010) – 79,65 %

Аляксандр Лукашэнка (2001) – 75,65 %

Уладзімір Зяленскі (2019) – 73,22 %

І неяк дзіўна, што пры такой народнай любові да Лукашэнкі самае частае пытанне беларусаў апошнімі днямі: дзе наш беларускі Зяленскі?

Жыхары Бабруйску:

«Іх няма, нават калі ёсць, мы іх не бачым. Годных людзей ён проста не прапускае».

«Трэба ўступаць маладым – магчыма, будзе нешта лепшае ў краіне, і для народу і для дзяржавы ў цэлым».

«Трэба нешта мяняць. Я ўсё ж за Зяленскага».

«Проста народу ўжо хочацца больш маладых палітыкаў і нейкіх пераменаў у жыцці».

Перамны абяцае беларускі комік Андрэй Скараход. Андрэй прыйдзе – парадак навядзе!

Кандыдат-комік даўно ўжо мог быць прэзідэнтам Беларусі, але Яўген Крыжаноўскі не прайшоў кастынг Лідзіі Ярмошынай.

Пакуль беларусы шукаюць свайго Зяленскага, Лукашэнка кажа, што ён і ёсць беларускі Зяленскі:

«Што тут не артыстычнага?»

Вольга Старасціна

Глядзі таксама
Каментары