Забойства Рамана Бандарэнкі. Ці будзе гэтая ахвяра недарэмнай?

Забіты Раман Бандарэнка быў адзіным дзіцем у сваіх бацькоў. У яго не было родных братоў і сясцёр, але ён быў вельмі блізкі з Вольгай Кучарэнкай – стрыечнай сястрой. Яна прыйшла ў студыю ток-шоу «Кожны з нас», каб расказаць пра брата, акалічнасці забойства і хлусню дзяржавы. А таксама пра тое, якім чалавекам быў Раман.

Гэтае трагічнае забойства – новы крок у эскалацыі супрацьстаяння паміж рэжымам Лукашэнкі ды беларусамі, якія прагнуць пераменаў. Што зменіць забойства Рамана Бандарэнкі ў хадзе палітычнага крызісу? Ці стане гэтая смерць недарэмнай ахвярай? Ці пакараюць вінаватых? Усе гэтыя пытанні абмяркоўваюцца ў студыі праграмы «Кожны з нас».

У запісе праграмы бяруць удзел галоўны рэдактар «Еўрапейскага радыё для Беларусі» Павел Свярдлоў, праваабаронца Алег Волчак і музыка Піт Паўлаў, які за некалькі дзён да гібелі Рамана выступаў на Плошчы пераменаў. Эксперты ў студыі абмяркоўваюць узмацненне рэпрэсіяў да гістарычнага максімуму і праводзяць паралелі з метадамі нацыстаў у 1930-я і 1940-я.

У Лукашэнкі здаюць нервы. Апошняя гульня дыктатара

У студыі выступае Аляксандр Дзядок – бацька нядаўна затрыманага анархіста і грамадскага дзеяча Мікалая Дзядка. Ён развенчвае міф пра экстрэмісцкія намеры сына, расказвае пра ягоную дзейнасць у апошнія гады і апавядае пра грунтоўную адукацыю сына, зусім не тыповую для «адмарозка».

Ксёндз Вячаслаў Барок дасціпна апісвае сітуацыю з рэпрэсіямі – з гледзішча хрысціянства. Як павінен сябе паводзіць сумленны чалавек? У якіх сітуацыях страх і бяздзеянне ёсць грахом, і чаму беларускі народ цвёрда стаіць на шляху да перамогі?

Праграма «Кожны з нас» выходзіць кожную сераду а 18:35. Глядзіце праз спадарожнік «Астра 4A» (ранейшая назва «Sirius 4»), онлайн, на YouTube-канале «Белсат Life» і на нашай старонцы.

Больш матэрыялаў

«Выбары сфальсіфікаваныя. І што?» Скандальны выпуск ток-шоу «Кожны з нас»

Замах на Лукашэнку можа рыхтаваць толькі Расея

Літоўцы б’юць трывогу. Ці можа АЭС у Астраўцы паўтарыць лёс Чарнобылю?

Як у Кітаі: Лукашэнка рыхтуе сабе пажыццёвае месца ва ўладзе

Стварэнне новай партыі «Разам» расколвае і дэкансалідуе дэмакратычныя сілы?

Ці вядуць перамовы Захад і РФ пра лёс Лукашэнкі?

Якія памылкі часу БНР трэба ўлічваць сёння

Факты і міфы пра нацыянальную сімволіку