Як быць упершыню звольненым, калі ты зорка оперы

Слынны оперны спявак, барытон Ілля Сільчукоў, падзеліцца абставінамі свайго звальнення з Нацыянальнага акадэмічнага Вялікага тэатру оперы і балету пасля 15 гадоў сумленнае працы, а таксама распавядзе, як гартуе сябе, каб размаўляць па-беларуску.

Ілля Сільчукоў – зорка оперы, тройчы лаўрэат прэзідэнцкае прэміі для падтрымання таленавітае моладзі, лаўрэат 16 конкурсаў, у тым ліку міжнародных.

Ілля не застаўся абыякавым да пратэстаў у Беларусі і жорсткай рэакцыі ўладаў на іх. Ён запісаў відэазварот, які дырэкцыя палічыла «амаральным». У выніку спевака звольнілі, калі ён быў на бальнічным праз хваробу на каронавірус. Дарэчы, дырыжора Вялікага тэатру Беларусі Андрэя Галанава, які ўзяў удзел у запісе відэазвароту, таксама звольнілі.

Ілля не ўвесь час размаўляе на беларускай мове. Ён не хавае, што шлях да беларускамоўнасці даецца яму цяжка. Але ён не здаецца і не марнуе магчымасці пагутарыць на роднай мове. На ягоную думку, усё пачынаецца, як у песні, з «простых словаў, простых рэчаў».

«Хацелася б усіх нашых тэлегледачоў заахвочваць – пачынайце з самых простых рэчаў: «дзякуй», «да пабачэння», «сустрэнемся пазней»… Адно, два, тры слоўцы на роднай мове – яны аздобяць ваш, як кажуць, conversation», – раіць Ілля.

Чаму наш герой адмовіўся ад звання лаўрэата прэзідэнцкае прэміі, у якіх краінах выступаў, якімі міжнароднымі дасягненнямі больш за ўсё ганарыцца і што адчувае, калі спявае па-беларуску, – пра ўсё гэта даведаемся з чарговага выдання праграмы «Мова Нанова».

У граматычнай частцы разбіраемся ў тым, як гэта – ганяць ва ўсю моц і бегчы трушком, а таксама падбіраем беларускі адпаведнік для выразу «хлопотное дельце».

Вядоўцы перадачы – Глеб Лабадзенка і Алеся Літвіноўская.

Перахварэць – рус. переболеть

У добрым гуморы – рус. в хорошем настроении

Асэнсаваць – рус. осмыслить

Супярэчлівыя адчуванні – рус. противоречивые чувства

Учынак – рус. поступок

Відэазварот – рус. видеообращение

Адмовіцца – рус. отказаться

Узрушаны – рус. встревожен

Бегаць трушком, бегаць трухам, патрухаць, подбегам

Ганяць ва ўсю моц, бегаць як мага, ганяць стрымгалоў, бегчы на скрут галавы, бегчы на злом галавы

Кропля – рус. капля

Жарт – рус. шутка

Злоўжываць – рус. злоупотреблять

Пашанцаваць – рус. повезти

Асабіста – рус. лично

Клопат – рус. хлопоты

Клапотны, турботны – рус. хлопотный

Справа, занятак, бизнес – рус. дело

Справунак – рус. делишки

Той яшчэ занятачак! / Такая сабе справа!

Гартаваць – рус. закалять

Разнастаіць – рус. разнообразить

Досвед = вопыт

Звышнатуральны – рус. сверхъестественный

Мінулае – рус. прошлое

Усведамленне – рус. осознание

Асабісты прыклад – рус. личный пример

Паліва – рус. топливо

Натхняльны – рус. вдохновляющий

Заахвочваць = заклікаць

Аздобіць – рус. украсить

Адукацыйную праграму «Мова Нанова» глядзіце кожную нядзелю а 20:20 на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн або ў закладцы «Праграмы» на нашай старонцы.

Калаж з фота: Viktor Drachev / TASS

Больш матэрыялаў

Што агульнага паміж татуяваннем і беларускай мовай?

Колькі часу трэба, каб загаварыць па-беларуску?

Зарабіць на кватэру, калі ты ў інваліднаму вазку

Што рабіць з тымі, хто на баку Лукашэнкі, і як прымірыць беларусаў

Акторка-купалаўка: Здацца цяпер – значыць кінуць людзей у турме на волю лёсу

Намінант Нобэлеўскай прэміі міру – аб пратэстах у Беларусі

Лайфхакі, каб не падаць духам у Беларусі

«Хуліганскія» і сур’ёзныя пераклады песень ад аўтара «Муроў»