Як Апостал Індыі звязаны з гарадзенскім Фарным касцёлам?

Вандроўніца і фрыланс-журналістка Хрысціна Марчук, госця праграмы Глеба Лабадзенкі ды Алесі Літвіноўскай «Мова Нанова», цягам двух месяцаў аб’ехала ўсю Індыю, каб даведацца, як там жывуць людзі. У Панаджы, сталіцы самага маленькага індыйскага штата Гоа, Хрысціна знайшла касцёл, у якім захоўваюцца мошчы святога Францішка Ксаверыя.

Для гарадзенкі Хрысціны сустрэць у Індыі імя святога, што носіць Фарны касцёл у Горадні, было неверагодна. Іспанскага езуіта Францішка Ксаверыя вельмі шануюць на Гоа і называюць Апосталам Індыі. Ён быў першым місіянерам у гісторыі Ордэну Езуітаў. Прыбыўшы ў Індыю, Францішак далучыў да хрысціянства значную колькасць мясцовых жыхароў.

Памёр Апостал Індыі ў сярэдзіне XVI стагоддзя, але ягоныя парэшткі захаваліся ў вельмі добрым стане дагэтуль. Паводле легенды, пасля смерці ягонае цела праз доўгі час не распадалася, што некаторыя палічылі пацверджаннем яго святасці.

Пра Махатму Гандзі, індыйскае вяселле, карціну- шэдэўр на паперы з каровіных ляпёшак ды іншыя цікавінкі глядзіце ў поўным выданні праграмы (відэа вышэй).

Намастэ – прывітанне (рус. приветствие)

Мата джы – спадарыня

Джы – спадар

Боскі – рус. божественный

Краіна – рус. страна

Жыхар – рус. житель

Вандраваць, падарожнічаць – рус. путешествовать

Прыгоды – рус. приключения

Чыгунка – рус. железная дорога

Цягнік – рус. поезд

Агульны вагон – рус. общий вагон

Квіток = білет

Моцныя ўражанні – рус. сильные впечатления

Уяўленне – рус. представление

Прыгажосць – рус. красота

Пашанцаваць – рус. повезти

Выклікі – рус. вызовы

Побытавыя выгоды – рус. бытовые удобства

Смецце – рус. мусор

Брудна – рус. грязно

Грамадства – рус. общество

Адбывацца – рус. происходить

Адпачыць – рус. отдохнуть

Спякотны = гарачы

Тук-тук – мотатаксі

Рух – рус. движение

Рыкша – павозка, якую цягне чалавек

Скрыжаванне – рус. перекресток

Кірмаш – рус. ярмарка

Масала-чай – індыйскі чай з малаком, спецыямі і цукрам

Прысмакі – рус. приправы

Смачна – рус. вкусно

Смак – рус. вкус

Густ – рус. вкус

Меркаванне – рус. соображение

Неверагодна – рус. невероятно

Абмежаванне – рус. ограничение

Касты – сацыяльныя групы ў Індыі

Хіджра – каста недатыкальных (рус. неприкасаемых)

Апрануты – рус. одетый

Сары – традыцыйная індыйская жаночая вопратка (рус. одежда)

Пявучая чаша – рус. поющая чаша

Гусці – рус. гудеть

Прыгожы гук – рус. красивый звук

Ёга – практычная сістэма фізічнага і духоўнага самаўдасканалення (рус.

самосовершенствования)

Чакра – псіхаэнергетычны цэнтр чалавека

Ацаляць = лячыць

Мастацтва – рус. искусство

Скрутак – рус. сверток

Папера– рус. бумага

Бавоўна – рус. хлопок

Гной – рус. навоз

Малюнак – рус. рисунок

Галеча – рус. нищета

Жабрак – рус. нищий

Беспрытульны – рус. беспризорный

Небяспечны – рус. опасный

Кідацца ў вочы – рус. бросаться в глаза

Лад жыцця – рус. образ жизни

Адукацыйную праграму «Мова Нанова» глядзіце кожную нядзелю а 20:35 на тэлеканале «Белсат» праз спадарожнік «Астра 4A» (ранейшая назва «Sirius4»), онлайн або ў закладцы «Праграмы» на нашай старонцы.

Фота вокладкі: wikimedia.org

 

Больш матэрыялаў

Спяваем, бо няма моцы маўчаць, або Беларускі культурніцкі пратэст

Хто такія «бацька», «тата», «айцец» і «папа» ды ці бывае «Бацька Рымскі»?

Каб было, як у Нямеччыне і Францыі, гаварыце па-беларуску! Расяянка гэта зразумела

Фотаздымкі, якія адкрылі ўсяму свету прыгажосць Беларусі

Актор пра сваё чумавое дзяцінства з калготкамі, воданапорнай вежай ды іншае

Беларускамоўны штучны інтэлект – цацка ці незаменны памагаты?

700 тыс. рэспіратараў – недастаткова. Беларусы аб’ядналіся, каб дапамагчы медыкам

Вакаліст «Старога Ольсы» зайграў «Тры чарапахі»… на гуслях!