Гарачы каментар Уладзімір Мацкевіч: «У нас засталося 10 месяцаў, каб не дапусціць здрадніцтва»


Чым бліжэй да 8 снежня, тым вастрэй узнікае пытанне: што ж будзе падпісанае паміж Менскам і Масквою? Вельмі гучна ідзе гаворка пра паглынанне Расеяй Беларусі, хаця на афіцыйным узроўні ўсё трымаецца ў таямніцы. У сваю чаргу кампанія «Свежы вецер» інфармуе аб пагрозе рэйдарскага захопу ці несяброўскага паглынання Беларусі Расеяй.

Пытанні скіроўваем да філосафа, метадолага Уладзімір Мацкевіч, кампанія «Свежы вецер»:

– …Пасля 8 снежня суверэннае жыццё Бееларусі, у тым стане суверэннасці, які мы маем, не скончыца. Бо гэтыя паперы (падпісаныя 8 снежня, рэд.) яшчэ павінныя быць ратыфікаваныя, і каб яны сапраўды набылі моц, трэба змяніць канстытуцыю, бо яны ўсе супярэчыць нават той канстытуцыі, якую зганьбілі яшчэ ў 1996 годзе.

– Але Аляксандр Лукашэнка ўжо гаворыць пра змены ў Канстытуцыі?

– Вось-вось. І гэта небяспека. Таму хутчэй за ўсё, калі будуць прызначаныя выбары і рэферэндум, то яны будуць прызначаныя на адзін тэрмін. Напэўна, гэта жнівень. І значыць, у нас ёсць 10 месяцаў, каб не дапусціць гэтага ганебнаага здрадніцтва і злачынства…

Мы спыталі жыхароў Менску: «Як Вы ставіцеся да таго, што ўлады Беларусі і Расеі вядуць перамовы пра глыбокую інтэграцыю і пры гэтым хаваюць змест гэтых перамоваў ад народу? Чаму яны не інфармуюць грамадзянаў і пра што канкрэтна дамаўляюцца міжсобку?» А таксама задалі пытанне жыхарам Масквы: «Ці хочуць жыхары Масквы, каб Беларусь і Расея сталі адной дзяржавай?»

Адказы – вашай увазе ў відэа.

Пачаўся і пераслед актыўных грамадзянаў. Прайшлі выбары, з’ехалі назіральнікі, улады распачалі судовы канвеер супраць актыўных падчас парламенцкай кампаніі экс-кандыдатаў, назіральнікаў, журналістаў і блогераў. За ўдзел у нібыта несанкцыянаваных масавых мерапрыемствах амаль на 1300 рублёў кожнага аштрафавалі актывістаў Вольгу Мікалайчык, Ніну Багінскую, Леаніда Кулакова, і на амаль 640 рублёў – Дзяніса Красачку.

Пытанне абмяркуем з сустаршынём БХД Паўлам Севярынцам.

Працяг – у відэа.

Сяргей Падсасонны belsat.eu

Калаж з фота: Natalia Fedosenko / TASS / Forum

Глядзі таксама
Каментары