Уладзімір Мацкевіч: Тварам байкоту можа стаць дысідэнт, які не рвецца ва ўладу

Прыхільнікі байкоту пераконваюць, што іхны падыход не прыкмета пасіўнасці, а наадварот, суправаджацца пратэстамі з патрабаванням сумленных выбараў. Ці верыць у паспяховасць такой стратэгіі адзін з асноўных прыхільнікаў байкоту Уладзімір Мацкевіч, праверым на дэтэктары хлусні ў праграме «Шчыра кажучы».

Уладзімір Мацкевіч – філосаф, метадолаг, заснавальнік Лятучага ўніверсітэту, адзін з ідэолагаў кампаніі «Свежы вецер», паслядоўна заклікае да байкоту. Але ці ёсць за гэтымі заклікамі канкрэтны план і стратэгія? Якія сілы гатовыя падтрымаць байкот цяпер? Улічваючы, што двое лідараў пратэсту, якія казалі пра стратэгію байкоту, ужо за кратамі. Гэта блогер Сяргей Ціханоўскі і палітык Мікалай Статкевіч.

На пытанне, чаму Уладзімір Мацкевіч паставіў подпіс за вылучэнне Віктара Бабарыкі, галоўны стратэг байкоту адказаў, што ягоны подпіс быў дэманстрацыяй салідарнасці:

«Мне не падабаецца, калі людзей садзяць за краты, мне не падабаецца гвалт у дачыненні да грамадскіх персонаў, якія не робяць ніякага злачынства». Аднак псіхолаг пабачыў у мове цела госця праграмы жэсты маніпуляцыі.

Ідэолаг байкоту перакананы, што ўсім канкурэнтам Лукашэнкі варта спыніць свой удзел у выбарчай кампаніі. А мабілізацыю пратэставага патэнцыялу, якая адбылася падчас збоку подпісаў, трэба выкарыстоўваць для далейшых мірных выступаў:

«Трэба не дапусціць злачынства, якое задумана рэжымам: працягу легітымізацыі кіравання Лукашэнкі», – тлумачыць Уладзімір Мацкевіч у студыі праграмы «Шчыра кажучы». – Дастаткова аднаго дысідэнта, які не рвецца ва ўладу, які засяродзіць на сябе ўвагу і скажа: «Слухайце сюды, я вам кажу праўду».

На такую прапанову Мацкевіча не рэагуе пакуль нобэлеўская лаўрэатка Святлана Алексіевіч. Асноўныя канкурэнты Лукашэнкі Віктар Бабарыка і Сяргей Ціханоўскі застаюцца за кратамі, а Валерый Цапкала сышоў з дыстанцыі. У такой сітуацыі акурат пісьменніца Святлана Алексіевіч змагла б сабраць вакол сябе лідараў усіх камандаў і дамовіцца пра далейшыя дзеянні, лічыць Мацкевіч.

Таксама ў праграме:

  • Чаму Уладзімір Мацкевіч ніколі б не паставіў свайго подпісу за Андрэя Дзмітрыева і каму ніколі б не падаў рукі?
  • Чаму за Валерыем Цапкалам не пайшлі айцішнікі, а Віктара Бабарыку не падтрымаў беларускі бізнес?
  • Як прымусіць улады Беларусі пайсці на перамовы?

Глядзіце іншыя выданні «Шчыра кажучы»

Больш матэрыялаў

Дапамога згвалтаваным, падпольныя аперацыі. Страшныя прызнанні медыкаў

«Стаяць са шчытом я не буду». У студыі «Белсату» – допыты былых сілавікоў

Стаміліся хлусіць? У студыі «Белсату» – былыя працаўнікі БТ

Праўладная назіральніца прыйшла ў студыю «Белсату» і распавяла, як фальсіфікаваліся выбары

Лябедзька: «Падтрымаць альтэрнатыўных кандыдатаў – правільнае рашэнне»

«Магчыма ёй далі адмашку ці запужалі». Чаму Канапацкая пайшла ва ўсе цяжкія?

Што хавае Дзмітрыеў? Кіраўніка ягонага штабу спраўдзілі на дэтэктары хлусні

Ціханоўская, Калеснікава і Цапкала патлумачылі, чаму яны супраць байкоту. Спецвыданне «Шчыра кажучы»