Улады хочуць закрыць музей, што аднаўляе традыцыйныя беларускія рытуалы

У Гомлі могуць закрыць філіял Веткаўскага музею. Гэткі намер агучыў кіраўнік гомельскага аблвыканкаму Уладзімір Дворнік. На ягонае меркаванне, музею не месца ў дварцова-паркавым ансамблі – тут больш прыдалося б месца, дзе турысты змаглі б паабедаць.

У музеі парыруюць: ці не больш важна, каб і турысты, і гомельцы змаглі паглядзець на выкананне традыцыйных беларускіх абрадаў і не з экспазіцыяў ці кніжак даведацца, як святкавалі вяселле, ці, скажам, сакральна запальвалі святло ў хатах нашыя продкі. Музей даўно стаў ці не адзіным у горадзе асяродкам беларускай культуры.

«Мы гуртуем вакол сябе традыцыйную культуру, але не ў фармаце экпазіцыйнай залі ці вітрыны – яна жыве. І большасць моладзь, якая прыходзіць да нас, і танчыць, і спяваць, яна таксама зацікаўленая, каб гэты цэнтр існаваў», – адзначае загадчык Філіялу Веткаўскага музею ў Гомлі Пятро Цалка.

Пятро Цалка дадае і лічбы: музей можа пахваліцца 10-ццю тысячамі наведванняў за год, і гэта не ўлічваючы людзей, што прыходзяць на самыя папулярныя – адкрытыя імпрэзы. Філіял Веткаўскага музею ў Гомлі даўно стаў месцам, дзе людзі ўсіх узростаў пасля працы ці вучобы збіраюцца на беларускія народныя танцы ці спеўкі, а бацькі прыводзяць сюды сваіх сыноў і дачок на беларускія ранішнікі.

Марына Вашкевіч, Сяргей Будкін belsat.eu

Тэгі: Ветка

Больш матэрыялаў

Першы фестываль традыцыйнай музыкі «Rajok» на Карла Маркса ў Менску

Упершыню ў Менску – трыенале маладых мастакоў

15 невядомых песень Мулявіна аднавілі дзякуючы аднаму аўдыязапісу

«Народны альбом: Ненаўмысны шэдэўр» на фестывалі «Лістапад»

Прэмʼера фільму пра НКУС і Курапаты адбудзецца 16 верасня ў сталічным кінатэатры «Масква»

«Я звязаны з Вялікім княствам Літоўскім». Гісторык моды Аляксандра Васільеў – на выставе ў Менску

Захар Кудзін прапануе Менску альтэрнатыўныя помнікі

«Яго цікава маляваць». У Віцебску з’явіўся партрэт Быкава