Беларусы абураліся, пратэставалі, падпісвалі петыцыі, але ў краіне ўжо ўсталяваныя і працуюць сотні «Табакерак», у якіх гандлююць тытунём. Пакуль адны лямантуюць пра здароўе нацыі, іншыя пытаюцца: чаму такі спрэчны бізнес гэтак лёгка захапіў краіну?
Кіраўнік аб’яднання прадпрымальнікаў «Перспектыва» Анатоль Шумчанка ў эфіры праграмы «Размова» са Святланай Калінкінай зазначыў, што сёння прадпрымальнікі не змагаюцца з бізнесам, нават з такім спрэчным, як «Табакеркі». Але патрабуюць адказу на пытанне, чаму іх уладальніку Аляксею Алексіну дазволена тое, што забаронена іншым бізнесоўцам.
«Я дзесяць гадоў чакаў гэтага моманту, бо ведаў, што гэтая сітуацыя ўзнікне. Перад вачыма стаіць свежая карціна знішчэння нармальнага бізнесу простых прадпрымальнікаў Менгарвыканкамам дзесяць гадоў таму. Калі сем’і проста гублялі ўсё і бяднелі дзясяткамі, калі людзі атрымлівалі інфаркты, інсульты, калі зачынялі ды зносілі кіёскі», – зазначае Шумчанка.
Анатоль Шумчанка падкрэслівае, што сёння прадпрымальнікі не могуць разлічваць на дазвол канкураваць з «Табакеркамі», а толькі чакаюць, калі знікне апошні з іх.
Больш пра тое, чаму Аляксандр Лукашэнка ўсё яшчэ не адмаўляецца ад свайго плану знішчыць апошняга прадстаўніка малога бізнесу, глядзіце ў «Размове» са Святланай Калінкінай і лідарам прадпрымальніцкага аб’яднання «Перспектыва» Анатолем Шумчанкам.
Спецыяльна для тых, каму зручней слухаць, а не глядзець, «Размова» запускае падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас:
Праграма «Размова» выходзіць на «Белсаце» з панядзелка да чацвярга а 21:20. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.
А таксама падпісвайцеся на «Размову» ў Facebook, ВКонтакте, «Одноклассниках», Twitter, Instagram і Telegram.
