Удзельнік гурта «Re1ikt»: Каб размаўляць па-беларуску, трэба вандраваць

Пра постмадэрнісцкае пераасэнсаванне народных песень, IT-краіну, электрамандолу як голас беларускай журбы і пра тое, як сталася, што менавіта беларуская мова аб’яднала музыкаў, апавядзе госць праграмы – лідар і бубнач гурта «Re1ikt» Алесь Дземідзенка.

Цікава, што большасць удзельнікаў гурта «Re1ikt» – айцішнікі. Хлопцаў згуртавала, натуральна, музыка, адчуванне неабходнасці рабіць нешта сваё і беларуская мова. А без мовы нешта сваё зрабіць вельмі цяжка. На думку Алеся, падштурхнуць людзей размаўляць па-беларуску дапамогуць вандроўкі за мяжу.

«Калі ты будзеш размаўляць з замежнікамі, яны будуць пытацца: а ты хто? І што там у вас, беларуская мова? А ты: расейская. А чаму расейская? Гэта ж не Расея», – кажа музыка. На ягоную думку, такія пытанні змушаюць задумацца, а хто ж я такі.

Глядзіце таксама эксклюзіўны майстар-клас грання на барабанах для вядоўцы праграмы Глеба Лабадзенкі. У граматычнай частцы разам з Алесяй Літвіноўскай паразважаем пра значэнне і ўжыванне словаў «абы-хто», «дзе-небудзь» і «хто-кольвечы».

Адукацыйную праграму «Мова Нанова» глядзіце кожную нядзелю а 20:15 на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн або ў закладцы «Праграмы» на нашай старонцы.

Глядзі таксама

Больш матэрыялаў

Электронная дудка беларуская, пад якую танчыць Кітай

Міліцыя пад знакам Пагоні. Дзе такую ўбачыш?

Экзатычныя істоты і дзе іх адшукаць

Чаму беларускамоўным майстрам давяраюць больш?

Як Вольга Севярынец пазнаёмілася з будучым мужам?

Хто і чаму ідзе ў бальнічныя клоўны?

Някляеў: 10 гадоў я аддаў палітыцы. Збольшага гэта страчаны час

Якой будзе Беларусь у 2050 годзе?