У пенсіянераў забіраюць жыллё і робяць яго камерцыйным

ЖЭС падаў на пенсіянера Юрыя Магонава пазоў аб высяленні. Прычына – мужчына не плоціць за арэнду камерцыйнага жытла.

Справа ў тым, што пенсіянер не прыватызаваў кватэру, у якой жыве з сярэдзіны васьмідзясятых гадоў. Пазіцыя Юрыя прынцыповая – кватэру атрымаў яшчэ ў савецкія часы, цалкам законна, таму нікому за яе нічога не вінаваты.

Цяпер запазычанасць за кватэру спадара Магонава складае больш за 1260 рублёў. Памер жа пенсіі – 267 рублёў, з якіх 55 прымусова вылічваюць. Камунальнікі ў сваіх патрабаваннях не бяруць пад увагу матэрыяльнае становішча пенсіянера.

Кватэру пенсіянера маглі б перавесці ў катэгорыю сацыяльнага жытла, за якую жыхарам плаціць ня трэба. Але ж ніхто гэтага не зрабіў. А цяпер, патрабуючы высялення, чыноўнікі ігнаруюць прававыя нормы, бо закон адваротнае сілы ня мае.

Нечакана для сябе стаў жыхаром камерцыйнага памяшкання і праваабаронца Сяргей Драздоўскі. Інтэрнат, дзе ён жыў 20 гадоў, перавялі ў іншую катэгорыю жытла. І кошт праз гэта вырас амаль утрая. Але новыя ўмовы пражывання абурылі Сяргея не столькі коштам, колькі тым, што жыхароў інтэрнату пасля гэтае пастановы знялі з чаргі на паляпшэнне жыллёвых умоваў.

Сяргей заявіў пра гэта ў пракуратуру і ўжо праз восем месяцаў яна абавязала адміністрацыю вярнуць інтэрнату былы статус. Мужчыну аднавілі ў чарзе на кватэру, але пасля гэтага паспрабавалі нашкодзіць – выселіць з інтэрнату. У выніку сітуацыя скончылася тым, што адміністрацыя раёну пастанавіла адазваць пазоў з суда і заключыць з Сяргеем дамову на пражыванне яшчэ на тры гады. Але па сутнасці пытання не развязалі.

Глядзіце праграму «Асабісты капітал» цалкам:

 

Больш матэрыялаў

У Беларусі патрэбны цэнтр для крызісных сітуацыяў

«Беларусь паступова ператворыцца ў Прыднястроўе». Што выратуе эканоміку?

Колькі плацяць беларусы за міліцэйскі гвалт?


Грошы скончыліся. Як выжыць без іх?

«Каму гэтая інфармацыя што дасць?» Як ад беларусаў хаваюць сапраўдны маштаб эпідэміі

Грошы на чужой бядзе. Хто нажываецца на эпідэміі?

Новая нармальнасць. Якой будзе Беларусь пасля пандэміі?

Каронакрызіс. Параўналі дзяржаўную дапамогу ў Беларусі ды іншых краінах