Вядоўца праграмы Уладзімір Мацкевіч зазначае, што пенсіі адносяцца да тых пытанняў, якія разам з падаткамі, заробкамі, медыцынай могуць вызначаць лёс урадаў. Госць студыі, першы намеснік старшыні Беларускай сацыял-дэмакратычнай партыі (Грамада) Аляксей Сігаеў, у сваю чаргу, падкрэсліў, што сёння пенсійная праблема недаацэненая.
«На жаль, кіраўніцтва нашай краіны не раілася з народам, калі прымала рашэнне аб падвышэнні пенсійнага ўзросту. Таму мы зараз і звяртаемся да грамадзянаў, каб яны падтрымалі ініцыятыву аб тым, што пенсійны ўзрост павінен быць не такім высокім», – тлумачыць сваю пазіцыю Аляксей Сігаеў.
Ці здолее суразмоўца адказаць на складаныя пытанні Уладзіміра Мацкевіча, даведаецеся з поўнай версіі праграмы «Размова Мацкевіча».