Аляксандр Лукашэнка не аднойчы параўноўваў спорт з вайною, а на вайне бываюць і ахвяры, і парушэнні агульнапрынятых правілаў. Пра гульні, якія са спартовых ператвараюцца ў палітычныя, у «Размове» Віталя Цыганкова распавядае журналіст Ігар Карней.
Не так даўно стала вядома, што расейскія спартоўцы пазбавіліся магчымасці ўдзельнічаць у буйных міжнародных спаборніцтвах з-за злоўжыванняў допінгам. Ці пагражаюць такія санкцыі беларускім спартоўцам?
Студыйны госць «Размовы» журналіст Ігар Карней зазначае, што ў спорце высокіх дасягненняў беларусы не вылучаюцца гучнымі скандаламі. Пры гэтым расейскія чыноўнікі называюць адхіленне сваіх спартоўцаў ад спаборніцтваў палітычным крокам і гатовыя ладзіць альтэрнатыўныя спаборніцтвы, жаданымі ўдзельнікамі на якіх павінны стаць беларускія атлеты.
Раней такую ж стратэгію выкарыстоўваў Савецкі Саюз, куды прымушаў прысылаць спартоўцаў з краінаў сацлагеру. А хто будзе ўдзельнічаць у альтэрнатыўнай алімпіядзе ў Расеі?
«Калі Савецкі Саюз мог загадаць, то цяперашняя Масква наўрад ці мае такія паўнамоцтвы, каб загадваць таму ж Лукашэнку, свайму стратэгічнаму саюзніку, прыслаць сюды пару такіх «баявых штыкоў», якія ўздымуць гэтую «алімпіяду» на нейкі ўзровень», – мяркуе госць праграмы.
Спецыяльна для тых, каму зручней слухаць, а не глядзець, «Размова» запускае падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас:
