Сціплая гульня салігорскага ФК «Шахцёр»

Каб вельмі жадаць адгуляцца з 0:5, трэба рабіць гэта з першых хвілінаў. І ўзяць суперніка адным, а лепей двума мячамі бліц-крыгам. Мяркуючы па ўсім, салігорскі «Шахцёр» не надта і верыў у тое, што адбудзецца вяртанне ў Лігу Еўропы УЕФА.

Сяргей Ташуеў, галоўны трэнер ФК «Шахцёр» (Салігорск):

«Апрыёры мы хацелі паказаць добры футбол, бо разумелі, што той гандыкап. Але нам трэба было, каб футбалісты цягнуліся да гэтага ўзроўню. І другое: мы хацелі паказаць матч прывабны для заўзятараў, з небяспечнымі момантамі, з галявымі атакамі».

Досвед – рэч карысная. Ён дапамог салігорцам ва ўпэўнена зрэалізаваным пенальці Мікалаем Янушам у скампенсаваны час. Футбалістам, які з’явіўся на полі за 15 хвілінаў да гэтага. Гол уратаваў Беларусі пункт, а «Шахцёру» – задавальненне.

Вальтэр Мацзары, галоўны трэнер ФК «Тарына»:

«Калі б не здарылася 5:0 у першым матчы, то ад стартавых дзесяці хвілінаў у менскай гульні было б вельмі неспакойна. Супернік сёння паказаў сябе значна лепей, чымся ў Італіі. Прынамсі я сённяшнім двубоем у выкананні нашай каманды не надта задаволены. Часам было нядрэнна, але ўсё роўна горш у параўнанні з нашым хатнім двубоем».

Зрэшты, а што трэба? Салігорцы для свайго досведу ў Еўракубках і без таго зайшлі далёка. Трэці адборачны раўнд Лігі Еўропы быў у гарнякоў раней толькі аднойчы – у 2014-м. І тут, можа, і варта панаракаць, што не пашчасціла з супернікам.

Хаця відавочна, што «Тарыно» значна больш шэрае, чымся ягоныя землякі з «Ювэнтусу», але серыя А – гэта не «Беларусбанк» – Найвышэйшая ліга чэмпіянату Беларусі. Таму варта проста суцешыцца тым, што «Шахцёр», якога называюць спрадвечна другім-трэцім у найвышэйшай лізе, якім ён фінішуе ў нацыянальным чэмпіянаце з 2010 года, а чэмпіёнам быў толькі ў 2005-м, пракрочыў у перадплэй-офаўскі раўнд Лігі Еўропы УЕФА. Ужо шчасце.

І клопат на будучыню. Як выйсці ў лідары? Пакуль хаця б чэмпіянату Беларусі. Чаго камандзе Сяргея Ташуева зычым сёлета. Праўда, ёсць невялікая праблема: «Дынама» (Берасце), БАТЭ, «Дынама» (Менск). Калі не гуляць так сціпла, як учора, то ўсё рэальна.

Аляксандр Пуціла, belsat.eu

Глядзі таксама

Больш матэрыялаў

Як зразумець, што СМІ вам хлусяць?

МАЗ ці БелАЗ. Хто раздавіў эканоміку?

Алена Захаранка сустрэлася з удзельнікам забойства бацькі

Замовіў гарбату па-беларуску – выйшаў міжнародны скандал

Леў Марголін: З Лукашэнкам дамаўляюцца толькі тыя, хто завозіць сюды мільёны

Павел Сапелка: Заканадаўства не дазваляе вязням рэалізоўваць свае правы чалавека

Што ўратуе айчынную эканоміку?

Беларускі кіберспорт: прафесійны і жорсткі

Беларускі рубель абваліўся праз нафту