Як можна маніпуляваць звесткамі, калі ідзецца пра жыццё і смерць грамадзянаў? Ці хаваюць ад нас праўдзівую інфармацыю, якая датычыць COVID-19? Госця студыі «Размовы ProContra» Аксана Шэлест прызнае, што пытанне складанае. З аднаго боку, сёння ніхто не мае звестак, якія могуць зняпраўдзіць паведамленні Міністэрства аховы здароўя. З другога – дзяржава зрабіла шмат для таго, каб ёй перасталі давяраць.
«Яны яшчэ і паводзяць сябе так, што пападаюцца на памылках, скажэннях, асэнсаванай хлусні ці проста на няправільным падаванні звестак. Гэта ў сітуацыі даволі моцнай напружанасці людзей падрывае давер яшчэ больш», – выказалася госця праграмы.
Чаму госця студыі «Размовы ProContra» з Уладзімірам Мацкевічам і Святланаю Калінкінай лічыць, што статыстыку пра COVID-19 у Беларусі не ведае нават Міністэрства аховы здароўя, вы даведаецеся з поўнай версіі праграмы.
Спецыяльна для тых, каму зручней слухаць, а не глядзець, «Размова» запусціла падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас.