Сілавікі і чыноўнікі ананімна перадаюць падзякі. Андрэй Кім – пра мяккую сілу беларускае мовы
21 лютага адзначаюць Дзень роднае мовы. З 1995 года беларускай мова ў краіне была пад заўважным ціскам, але, паводле госця студыі «Размовы ProContra» Андрэя Кіма, з 2014-га сітуацыя пачала паляпшацца.
«Стаўленне дзяржавы да беларускай мовы памянялася. Магчыма, не так, як нам хацелася, але трэба разумець, што для дзяржаўных дзеячаў, для кіраўніцтва краіны гэта сур’ёзная траўма. Чалавек фармаваўся, і ў яго вораг асацыяваўся з беларускаю мовай. І зараз складана памяняць», – лічыць Андрэй Кім.
Пры гэтым госць праграмы зазначыў: хоць устаноўкі на беларускую мову паўсюль пакуль няма, але і знікла стаўленне да беларускай мовы як да забароненай. Справа шпарчэй ідзе ў сталіцы, але рэгіёны таксама набіраюць тэмп.
- Якая вобласць мае самых варожых да мовы чыноўнікаў?
- Ці хутка мы пабачым сусветныя кінанавінкі па-беларуску?
- І ці будзе сітуацыя з беларускаю моваю паляпшацца надалей?
Глядзіце ў «Размове ProContra» са Святланаю Калінкінай, Віталём Цыганковым і дырэктарам кампаніі «Кінаконг» Андрэем Кімам.
Спецыяльна для тых, каму зручней слухаць, а не глядзець, «Размова» запускае падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас.
