У латвійскім горадзе Рызе думаюць, куды падзець з мэрыі двух катоў былога мэра – Кузю і Мурыса. А ў Беларусі пакуль ніхто не думае, куды падзець 10 кароў, 10 коз, індыкачак, качак, 50 трусоў, 20 свіней, трох страусаў ды АДНАГО ВУСАТАГА САБАКУ з рэзідэнцыі Лукашэнкі. І куды толькі глядзяць зааабаронцы?
У Кыргызстане з жарсцямі арыштоўваюць былога прэзідэнта краіны, у Маскве жорстка разганяюць мірныя пратэсты, пакуль гарыць Сібір… А ў Беларусі ўсё па-ранейшаму стабільна, парадак і, як водзіцца, няма вайны. Бадай, адзіная, акрамя аб****ных кароў, праблема – хуткія «выбары» – кругазварот стабільнасці ў Беларусі.
«Каб ізноў схапіць крэсла і ў яго надоўга прысесці».
Спачатку парламенцкія, праз год – прэзідэнцкія. Народ можа ўжо і не выбраць, а таму за справу па-ранейшаму бярэцца вядомая сваёй надзейнасцю Лідзія Міхайлаўна Ярмошына.
«Я думаю, Лідзія Міхайлаўна, вам трэба ўзначаліць гэты працэс», – сказаў Лукашэнка.
Хоць у старшыні ЦВК Лідзіі Міхайлаўны і свая куча праблемаў: не ведае, да прыкладу, як ацяпляць велізарны катэдж плошчаю 270 квадратных метраў у Драздах:
«Делать что-то постоянно надо: то калитку, то ворота […] Для жизни в доме надо вкладывать много средств. На пенсии, конечно, дом содержать очень дорого. Честно, я работаю на его содержание».
Цяжка жывецца беларускім чыноўнікам на пенсіі, аднак час ад часу можна падзарабіць на халтуры. Гэтак, Лідзія Ярмошына назвала аптымальную дату для наступных «прэзідэнцкіх выбараў» – 30 жніўня. Акурат у дзень народзінаў Лукашэнкі. А падарункі Лукашэнка любіць (ды з задавальненнем прыняў ад кіраўніка Узбекістана Шаўката Мірзіёева статую хакеіста).
Вдоль вилл и коттеджей министров
Настурция душно цветёт
В закрытом посёлке под Минском
Известная Лида живёт
Свершений своих не стесняясь
Идёт в избирком не спеша
Хорошая бабушка Лида
А чем же она хороша?
Спросите об этом у Саши,
Что в доме напротив живёт!
Он с именем Лиды ложится
Он с именем Лиды встаёт
На пенсию не отпускает
Ведь в ней его сила и мощь!
Кто так, как она посчитает?
Кто сварит предвыборный борщ?
Кто выборы в твой день рожденья
Назначит, людей не стыдясь?
И вот, пока Лида считает,
У Саши корона и власть!
Больш за адзінаццаць мільёнаў долараў плануюць выдаткаваць сёлета на правядзенне парламенцкіх «выбараў». Атрымліваецца, што кошт «абрання» аднаго дэпутата – прыблізна 65 тысяч долараў. Што на гэта беларусы?
«Не, ну канечне трэба. Павінна быць нейкае… Нешта… Штосьці павінна быць. А так, я, у прынцыпе, дэпалітызаваны, палітыкаю не цікаўлюся».
«Бо я нікому не веру. Яны сабе дачы будуюць, а я жыву ад заробку да заробку».
Але не трэба так хвалявацца. Грошы ёсць! Лукашэнка вылучыў са «свайго» фонду амаль 400 тысячаў рублёў на адпачынак у Беларусі… дзяцей з Кітаю.
Сцяпан Святлоў, belsat.eu
Калаж з фота: Natallia Ablazhei / Reuters / Caters News / Forum