На Віцебшчыне, у самым маленькім горадзе краіны – Дзісне – жыве шматдзетная сям’я Козел. Трое з чацвярых дзяцей Юрыя і Яўгеніі – школьнікі. Пяць гадоў таму сям’я атрымала ад дзяржавы бязвыплатны крэдыт на будаўніцтва ўласнага жылля. Дом узяўся будаваць мясцовы падраднік – сялянска-фермерская гаспадарка Аляксандра Каваленкі.
Вынік працы сям’ю Козел не задаволіў, і яны звярнуліся па экспертызу і ў суд. Вынікі экспертызы пацвердзілі, што пры будаўніцтве нормы выдаткаваных матэрыялаў завысілі. Але суд прыняў бок не замоўцы, а падрадніка. І вось ужо чацверты год Яўгенія і Юрый трацяць грошы не на будаўніцтва дому, а на суды.