Ужо чатыры гады жыхары вёскі Масловічы змагаюцца за тое, каб за дзяржаўныя грошы адрамантаваць дзве сотні метраў дзяржаўнай дарогі. Людзі пішуць усюды – ад сельсавету да Адміністрацыі прэзідэнта. Адказ адзін: грошай на асфальтаванне няма. Жыхарам прапаноўваюць заплаціць самім – але падрадчыка выбірае дзяржава, і ейны падрадчык удвая даражэйшы за прыватніка.
Транспартныя падаткі растуць – а грошай на дарогі няма. Чаму так адбываецца – разбіраліся ў рубрыцы «Барані сваё».
Дырэктарка дзіцячага клубу «Вера і Анфіса» Алена Плюшчава расказвае, што раней людзі проста ладзілі дні народзінаў у Макдональдс, а сёння імкнуцца знайсці развіваючыя заняткі ці забаўляльныя праграмы. І ўкладвацца бацькі гатовыя сур’езна – $ 80 на салодкі стол, 30 – на гадзіну працы аніматара, столькі ж – мастаку аквагрыму.
Ці рэальна бізнесу зарабіць на дзіцячых святах і якія для гэтага патрэбныя ўкладанні – распавядае Ганна Нежавец у рубрыцы «Сакрэт фірмы».
У Беларусі каля 20 тыс. рэк і больш за 10 тыс. азёраў. Таму не дзіўна, што рыбалка ў нас – адно з найбольш папулярных хобі. Рэкі і азёры – каштоўнасць народная, вудзіць шмат дзе можна бясплатна. Але ў рыштунак давядзецца ўкласціся – мінімум, на тысячу рублёў. Рублёў 400 – на вопратку, 250 – на шпулю, 200 – на вуду. Плюс твістэры, кручкі і прынады. А можа, яшчэ і за жытло давядзецца плаціць, і нават за гіда.
Колькі каштуе беларуская рыбалка, дзе можна зэканоміць, а дзе лепш пераплаціць – распавядаем у рубрыцы «Свая кішэня».