[vc_row][vc_column][vc_raw_html]JTNDaWZyYW1lJTIwd2lkdGglM0QlMjI1NjAlMjIlMjBoZWlnaHQlM0QlMjIzMTUlMjIlMjBzcmMlM0QlMjJodHRwcyUzQSUyRiUyRnd3dy55b3V0dWJlLmNvbSUyRmVtYmVkJTJGUkNaLWVoS0pzaE0lMjIlMjBmcmFtZWJvcmRlciUzRCUyMjAlMjIlMjBhbGxvd2Z1bGxzY3JlZW4lM0UlM0MlMkZpZnJhbWUlM0U=[/vc_raw_html][/vc_column][/vc_row]Перамовы з іранскім прэзідэнтам акрэслілі больш як тры дзясяткі супольных праектаў. Якія вызначылі прыярытэты?Пацяпленне дачыненняў пасля шматгадовай палітычнай і эканамічнай ізаляцыі. Іран з надзеяй прывітаў Уладзіміра Пуціна. У сваю чаргу гаспадар Крамля дэклараваў сур’ёзныя перспектывы супрацы.
«Мы маем намер развіваць дынаміку нашых гандлёвых сувязяў», – заявіў Уладзімір Пуцін.
Галоўны поспех – гэта 35 супольных праектаў у самых розных галінах эканомікі. Аднак перш за ўсё – гатовасць Расеі вылучыць Ірану крэдыт нават на $ 7 млрд з мэтаю актывізаваць прамысловую кааперацыю. У сваю чаргу Тэгеран не хаваў спадзеваў на дапамогу Масквы ў рэалізацыі газавых праектаў. Маўляў, Расея як буйны вытворца і экспарцёр сыравіны, магла б паспрыяць у рэалізацыі пакуль ізаляваных крыніцаў іранскага газу. У рамках супольных праектаў вялася гаворка і пра ядравую энергетыку.
«Мы будзем садзейнічаць у рэалізацыі адпаведнага плану дзеянняў у рамках іранскай ядравай праграмы», – акрэсліў планы расейскі прэзідэнт.
Аднак гэтае пытанні не адназначна ўспрымае Захад. Супраца Расеі ў гэтай галіне з краінаю, якая яшчэ да нядаўна была пад санкцыямі па падазрэнні ў рэалізацыі далёка не мірных ядравых праектаў, можа выклікаць занепакоенасць у партнёраў. Але прыярытэты збольшага пакуль вызначае крызіс у іншай краіне – Сірыі ды вайна з тэрарызмам на Блізкім усходзе і Еўропе. Вайна з «Ісламскаю дзяржаваю» таксама заставалася ў цэнтры ўвагі перамоваў у Тэгеране.
