Гарачы каментар Пуцін не вытрымаў ціску звязанага са стварэннем санкцыйнага «спісу Саўчанкі


Расейскі палітык Канстанцін Яршоў тлумачыць, чаму амаль ніхто не прыйшоў сустракаць вызваленых расейскіх ГРУшнікаў.https://www.youtube.com/watch?v=3Blp3pqtgvc&feature=youtu.beЯкая ўсё-ткі велізарная розніца. Украінскую лётчыцу Надзею Саўчанку, якая прэзідэнцкім бортам вярнулася на радзіму, вітала вялікая колькасць усцешаных суайчыннікаў – ад першых асобаў дзяржавы да простых грамадзянаў. Расейскіх вайскоўцаў Аляксандра Аляксандрава і Яўгена Ерафеева, памілаваных сёння Пятром Парашэнкам, у маскоўскім аэрапорце акрамя жонак не сустракаў аніхто. Кантраст папросту неапісальны! У «Гарачым каментары» – Канстанцін Яршоў з Рэспубліканскай партыі Расеі.Канстанцін Яршоў: Вы ведаеце ў якім становішчы знаходзіліся нашыя супрацоўнікі ГРУ, маўляў яны ўвогуле не вайскоўцы, ад іх адмаўляліся там жонкі.

Пазіцыя Расеі і гэтых ГРУшнікаў была абсалютна незразумелая, нейкага такога гераізму ніхто не можа адзначыць.

А вы ў Санкт-Пецярбурзе «горача вітаем» гэтае вызваленне, у нас тут прэс-сустрэча дэмакратычных прадстаўнікоў гораду з Андрэем Іларыёнавым.

Узгадвалі Вільню, Форум расейскай апазіцыі, дзе адзінай адзінагалосна прынятай рэзалюцыяй было патрабаванне вызвалення Саўчанкі і стварэнне «спісу Саўчанкі». Яго меў узначаліць асабіста Пуцін. Гэты санкцыйны спіс быў разасланы ўсім дзяржавам ЕЗ і не толькі. І вось Андрэй Іларыёнаў выразіў думку, што, магчыма, у выніку зʼяўлення гэтага спісу, які рыхтуецца, і была вызваленая Саўчанка.

Гэта наймацнейшы ціск, які не вытрымаў лідар гэтага рэжыму. Яму не хочацца асабіста ўзначальваць санкцыйныя спісы.«Белсат»: У такой сітуацыі ці змяніліся за апошні час настроі сярод расейцаў адносна Украіны? Ці так жа ірвуцца ў бой «за Наваросію» і гэтак далей. Як вы лічыце?Канстанцін Яршоў: Настроі радыкальна не змяніліся. Па-ранейшаму ў шмат каго ёсць эйфарыя адносна Крыму. Адносна таго, каб «ірваліся ў бой», гэта было толькі сярод пэўнага кантынгенту.

Глядзі таксама
Каментары