«Калі ты фрылансэр, праца – гэта свята. Няма працы ў Лос-Анджэлесе, я магу паехаць у іншае месца і там працаваць», – распавядае ў праграме «Беларускі свет» Сяргей Пюро.
Сяргей Пюро – фатограф. Ён эміграваў з Кобрына ў ЗША яшчэ падлеткам – разам з бацькамі. Закончыўшы ўніверсітэт і адпрацаваўшы шмат гадоў аператарам на тэлебачанні, беларус стаў фрылансэрам і сканцэнтраваўся на фэшн і будуар-стылі.
Сяргей супрацоўнічае з мадэлямі рознага ўзроўню ў Лос-Анджэлесе, але кажа, што самыя прыгожыя здымкі ўсё ж такі прывозіць са штогадовых паездак у родную Беларусь, бо ва ўнікальнай прыгажосці няма роўных беларускім дзяўчатам.
Іншыя тэмы праграмы «Беларускі свет»:
- Беларуская эколаг Вольга Каскевіч жыве ў эстонскім Тарту і працуе над кампаніяй «Стоп Е40», мэта якой – спыніць будаўніцтва воднага шляху з Балтыйскага мора ў Чорнае, які можа незваротна зруйнаваць экасістэму басейну ракі Прыпяць.
- На Падляшшы адзначалі 74-ую гадавіну пацыфікацыі беларускага насельніцтва атрадам польскага Нацыянальнага вайсковага задзіночання.
Праграма «Беларускі свет» выходзіць на «Белсаце» па аўторках а 19:05. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.
