Піт Паўлаў: Не саромейцеся выглядаць неідэальнымі

Пра вайсковую годнасць і сімвалічнасць муралу з дыджэямі Перамен, выступы на плошчы Перамен і немагчымасць быць па-за палітыкаю, сённяшнюю творчую дзейнасць і розныя музычныя іпастасі, а таксама пра маскоўскі дыялект беларускае мовы і адзіную дзяржаўную мову ў Беларусі гутарым з лідарам гурта N.R.M. Пітам Паўлавым.

Піт Паўлаў – беларускі рок-музыка, удзельнік і лідар розных музычных праектаў: гурт N.R.M., сольны праект Pit Pawlaw, гурт «Garadzkija», фолк-капэла PAPARAĆ. Ён – рэкардсмен дваровых канцэртаў, бо даў іх болей за сотню.

Давялося яму выступаць і перад амапаўскім ачапленнем навокал Палацу Незалежнасці. У нядзелю 23 жніўня калона пратэстоўцаў, якая крочыла праспектам Пераможцаў, спынілася перад кардонам сілавікоў. Тады наперад выйшаў Піт Паўлаў і выканаў «Тры чарапахі».

Беларуская мова «торкнула» Піта Паўлава ў школе, калі на дыктоўцы ён упершыню пачуў слова «коска». Цяпер ён нават відэаўрокі ігры на гітары вядзе па-беларуску. На ягоную думку, галоўная перашкода на шляху да беларускамоўнасці – перфекцыянізм.

«Зразумейце, што вы ўсе добра ведаеце беларускую мову. Вы проста саромеецеся выглядаць неідэальнымі, вы прызвычаіліся да перфекцыянізму і для вас расейская заўсёды была значна больш, чым для расейцаў, – тлумачыць Піт Паўлаў і жартаўліва працягвае: – Проста ведайце, што расейская – гэта вельмі развіты, але ўсё ж такі дыялект беларускай, а не наадварот. Спачатку з’явілася нашая мова, і яна значна бліжэйшая да крыніцаў. І таму, калі ў вашай беларускай нечакана з’явіцца нейкае расейскае слаўцо – гэта проста дыялект нашае мовы, маскоўскі дыялект. Таму проста з сённяшняга дня пачынайце хаця б у крамах казаць «дзякуй», «калі ласка».

Як улады ствараюць сапраўдную нянавісць да сябе? Што Піт Паўлаў, які ў свой час служыў у паветрана-дэсантных войсках, мяркуе пра паводзіны сілавікоў? Як ён ушанаваў памяць Рамана Бандарэнкі? Чаму нават «Працоўны і калгасніца» цяпер супраць Лукашэнкі? Пра ўсё гэта, а таксама пра музыку і беларускую мову – у новым выданні праграмы «Мова нанова».

У граматычнай частцы дасылаем усім «промні дабрыні» і падлічваем содні і суткі.

Вядоўцы перадачы – Глеб Лабадзенка і Алеся Літвіноўская.

Бадай – рус. пожалуй

Шчыльнасць – рус. плотность

Адмоўны – рус. отрицательный

Здзекавацца – рус. издеваться

Рэчышча – рус. русло

Паўплываць – рус. повлиять

Затрымка – рус. задержка

Жалобны – рус. поминальный

Знічка = памінальная свечка, лампадка

Натуральна – рус. естественно

Анёл – рус. ангел

Дзеяч – рус. деятель

Промні / прамяні / прамені дабра

Прамень / промень – рус. луч

Карыстацца – рус. пользоваться

Іграць (на гітары, на сцэне)

Гуляць (у футбол, тэніс)

Падсілкавацца – рус. подкрепиться

Пяцёра содняў = пяць сутак

Коска – рус. запятая

Дзіўнае ўражанне – рус. странное впечатление

Уласнае адчуванне – рус. собственное ощущение

Лагодны = спакойны, мяккі

Саромецца – рус. стесняться

Крыніца – рус. источник

Больш матэрыялаў

Што агульнага паміж татуяваннем і беларускай мовай?

Колькі часу трэба, каб загаварыць па-беларуску?

Зарабіць на кватэру, калі ты ў інваліднаму вазку

Што рабіць з тымі, хто на баку Лукашэнкі, і як прымірыць беларусаў

Акторка-купалаўка: Здацца цяпер – значыць кінуць людзей у турме на волю лёсу

Намінант Нобэлеўскай прэміі міру – аб пратэстах у Беларусі

Лайфхакі, каб не падаць духам у Беларусі

«Хуліганскія» і сур’ёзныя пераклады песень ад аўтара «Муроў»