Пад прызыў трапляюць нават тыя, у каго адтэрміноўка. Што адбываецца?

У лютым гэтага года Аляксандр Лукашэнка паскардзіўся, што ў войску не хапае прызыўнікоў. Амаль імгненна дзяржаўная машына пачала дзеяць.

23-гадовы Аляксандр Аўсянікаў жыве ў паселішчы Бароўка Лепельскага раёну разам з бабуляю і маці.

«Сёлета ў лістападзе са мною скантактаваўся начальнік аддзелу прызыву. Ён мне паведаміў, што я падлягаю прызыву ў войска, – кажа маладзён. – Я быў вельмі здзіўлены, бо на дадзены момант я маю адтэрміноўку да 2023 года ў сувязі з тым, што мая маці мае інваліднасць ІІ групы».

https://belsat.eu/news/u-suvyazi-sa-skladanastsyami-pryzyvu-samotnaga-batsku-zabrali-u-vojska/

Пасля гэткіх навінаў Аляксандр выправіўся ў сталіцу на прыём да намесніка начальніка Генеральнага штабу Узброеных Сілаў. Але там нашаму герою замест тлумачэнняў выдалі накіраванне на медычны агляд для прызыву ў войска.

Маці Аляксандра пакутуе на псіхічную хваробу. Суд прызнаў яе недзеяздольнаю: жанчына не можа жыць без старонняй дапамогі ды догляду.

«Маёй маці неабходны сталы догляд. Яна не робіць нават элементарных справаў. Даводзіцца гатаваць ежу, накладаць, выконваць за яе ўсё магчымае», – распавядае Аляксандр Аўсянікаў.

https://belsat.eu/news/palazhenne-ab-pryzyve-u-vojska-yak-buduts-uruchats-pozvu-i-tsi-moguts-pryzvats-paslya-27-god/

Штотыдзень Аляксандр на чатыры дні з’язджае з Бароўкi у Менск на працу. У гэты час спадарыню Алену даглядае ейная маці, але Аляксандр увесь час на сувязі з домам.

Афіцыйна апякунка спадарыні Алены – ейная 70-гадовая маці, Надзея Кардаш. Цяпер яна вельмі шкадуе, што аформіла апякунства на сябе, а не на ўнука. Жанчына кажа, што без ягонай дапамогі ёй цяжка спраўляцца.

«У сувязі з маім узростам, мне цяжка аказваць паўнавартасную дапамогу сваёй дачцэ», – кажа спадарыня Надзея.

«Як можа быць прэстыжным беднае войска?» Беларусаў навучаць любіць войска

Каб развязаць праблему з прызывам у войска Аляксандр Аўсянікаў звярнуўся па дапамогу да праваабаронца. Разам з Алегам Волчакам, кіраўніком арганізацыі «Прававая дапамога насельніцтву», ён адправіўся ў ваенкамат высветліць, чаму адтэрмінаванне раптам сталася несапраўдным.

«Зараз мы з Аляксандрам пойдзем у раённую пракуратуру, – кажа Алег Волчак, – каб атрымаць афіцыйныя тлумачэнні».

https://belsat.eu/news/pryzyu-u-belaruskuyu-armiyu-pavyalichats-na-3000-chalavek/

Тым часам карэспандэнт праграмы «Маю права» таксама паспрабаваў узяць каментар у Сяргея Сініцкага, намесніка пракурора Лепельскага раёну.

«Я папросту не ўпаўнаважаны, я – не афіцыйны прадстаўнік пракуратуры», – вось што пачулі мы ад намесніка раённага пракурора.

https://belsat.eu/news/ne-ilgoty-a-realnyya-reformy-zavabyats-navabrantsau-u-vojska/

Пасля візіту ў пракуратуру ў Аляксандра Аўсянікава разам з Алегам Волчакам з’явілася надзея, што сітуацыя з адтэрмінаваннем прынамсі не пагоршыцца.

«Ніякіх рашэнняў па справе Аляксандра пакуль няма. Але адназначна, як мы зразумелі з вуснаў намесніка пракурора, адтэрміноўка ў яго законная, – распавядае Волчак. – У любым выпадку, яны павінныя сабраць усе дакументы і даць ацэнку ягонай прыдатнасці да войска і з адтэрміноўкаю».

Таксама ў праграме «Маю права»:

  • У гаражным кааператыве няма ўправы на старшыню
  • Менчукі дамагаюцца спрыяльнага асяроддзя
  • Беларусы – пра развязанне сваіх праблемаў
  • Жыхары Фаніпалю наракаюць на недахоп транспарту

Глядзіце праграму «Маю права» цалкам:

Праваабарончую праграму «Маю права» глядзіце кожную сераду а 19:05 на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн або ў закладцы «Праграмы» на нашай старонцы.

Больш матэрыялаў

2 гады калоніі далі хлопцу з ментальнаю хваробаю за нібыта кінуты камень у бок сілавікоў

Раман і Ганна – гісторыя шлюбу ў Берасцейскім следчым ізалятары

Дзевяць сілавікоў напалі на адну пенсіянерку

Не віталася з працаўнікамі СІЗА – змясцілі ў карцар на 17 дзён

«Не забудзем» – надпіс, які перавярнуў жыццё Максіма і Вікторыі

Берасцейца з БЧБ-валасамі затрымлівалі сем разоў

Пенсіянерку падазраюць у тэрарызме

Улады пужаюць беларусаў тэрактамі