Музыкі з гурта «Akute» прэзентавалі новы альбом, над якім працавалі апошнія два гады. Дыск атрымаў назву «Пластыка». Усе 9 песень можна паслухаць і сцягнуць на старонцы мульты-лэйблу «Пяршак» ад 34mag.net.
Што цікава, назвы твораў напісаныя лацінкаю, як і назва альбому. Удзельнікі «Акутэ» кажуць, што кружэлка атрымалася больш хуткаю, чымся ранейшая творчасць, а духам нагадвае дэбютны альбом музыкаў «Дзевачкі і космас».
Іншыя тэмы: у Гомлі выканалі абрад «жаніцьбы коміна». Магілёў: бабруйская мастачка паказала лялькі габрэйскай нацыянальнасці. Дызайнер Том Форд прэзентаваў на Лонданскім кінафестывалі сваю другую стужку.
МВ, «Белсат». Фота 34mag.net
