Новае жыццё беларускай класікі

Беларускія класікі ў новых кнігах: выдавецтва «Папуры» папоўніла серыю «Мая беларуская кніга» адразу 13 тамамі.

«Жоўты пясочак» Васіля Быкава, «Хам» Элізы Ажэшкі побач з упершыню выдадзенай асобнай кнігай «Полацкай шляхтай» Вайніслава Савіч-Заблоцкага. Рэдактары імкнуліся максімальна наблізіць класікаў да чытача, кажа пісьменнік, сябра рэдакцыйнае рады Уладзімір Сіўчыкаў:

«Беларус, ці то студэнт, ці то настаўнік, ці то школьнік, можа прыйсці і адвольна, спакойна купіць па дэмакратычнай цане класічныя творы нашай літаратуры».

Кнігі аказаліся даступныя па кошце (ад 5 рублёў), дзякуючы кішэннаму фармату і накладу дзве тысячы асобнікаў. Ідэя ж выдаваць класіку спачатку ў цвёрдай вокладцы, а потым, масава, у мяккай – даўно папулярная ў свеце.

Задавальнення не хавае пісьменнік і сябра рэдакцыйнае рады Лявон Баршчэўскі:

«Удалося і ў Беларусі выйсці на такі фармат. У гэтым плане думаю, што бібліятэка ўжо адбылася, таму што паўсотні кніжак – гэта вельмі вялікае дасягненне, улічваючы цяперашнія праблемы з кніжным рынкам».

Сабраць сваю калекцыю класікаў можна ў краме «Акадэмкніга» ў Менску, кнігарнях «Белкнігі» ды праз інтэрнэт.

Іншыя тэмы: «Дзяды» Міцкевіча – у польскай інсцэнізацыі, але на фоне Берасця. Жаночы погляд у эпоху гендарнай роўнасці: Выстава Анастасіі Балыш. Крэслы на павучыных нагах і нестабільныя карціны – на арт-кірмашы «Frieze» у Лондане.

Юлія Лабанава, Вольга Гардзейчык, Аляксандра Дорская

Больш матэрыялаў

Першы фестываль традыцыйнай музыкі «Rajok» на Карла Маркса ў Менску

Упершыню ў Менску – трыенале маладых мастакоў

15 невядомых песень Мулявіна аднавілі дзякуючы аднаму аўдыязапісу

«Народны альбом: Ненаўмысны шэдэўр» на фестывалі «Лістапад»

Прэмʼера фільму пра НКУС і Курапаты адбудзецца 16 верасня ў сталічным кінатэатры «Масква»

«Я звязаны з Вялікім княствам Літоўскім». Гісторык моды Аляксандра Васільеў – на выставе ў Менску

Захар Кудзін прапануе Менску альтэрнатыўныя помнікі

«Яго цікава маляваць». У Віцебску з’явіўся партрэт Быкава