Героі новага выдання аўтарскай праграмы Сяргея Будкіна былі абраныя з дапамогаю гледачоў. У студыі «Belsat Music Live» – з жывым сэтам выступіць гурт «Nizkiz», які прызналі гуртом 2018 года на прэміі «Героі года» ад парталу TuzinFM.
Музыкі распавялі, як змяніліся за паўтара года, што мінулі з апошняга эфіру на «Белсаце», чаму ім гэтак цяжка даўся выступ на 100 гадоў БНР і пра тое, як на іхных канцэртах ствараюцца сем’і, а Аляксандр Ільін патлумачыў, чаму адсутнічае ў сацсетках. Пры канцы праграмы разыграюць прыз, які можа атрымаць кожны!
З Новага года штомесяц на тэлеканале «Белсат» – найлепшыя беларускія гурты ў прэміум-выданнях «Belsat Music Live», якія здымаюцца ў прысутнасці гледачоў. Толькі жывы гук, шчырыя размовы і сапраўдныя эмоцыі!
Песні, якія гучаць у праграме:
- «Люстэрка»
- «Небяспечна»
- «Так трэба»
- «Интроверт»
- «Лирика»
- «Это я сам»
Глядзіце Belsat Music Live кожную суботу а 21:15 на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн або ў закладцы «Праграмы» на нашай старонцы.
