Анастасія Сергіеня перасялілася ў Нью-Ёрк, каб рэалізаваць свае творчыя планы.
Нашая гераіня скончыла Беларускі дзяржаўны ўніверсітэт, дзе вывучала філасофію і сацыяльныя навукі ды працавала фатографкай. Пасля вучобы вырашыла паехаць за мяжу, каб падцягнуць ангельскую.
Так трапіла ў Лондан, дзе правяла тры гады. Але выканаць усе патрабаванні эміграцыйнай палітыкі ў Вялікай Брытаніі – рэч няпростая. Таму Анастасія пераехала ў Нью-Ёрк, дзе спачатку працавала афіцыянткай.
Як яна трапіла ў індустрыю і ці лёгка жывецца фрылансэру ў ЗША? Глядзіце першы сюжэт праграмы «Беларускі свет» (відэа вышэй).
Другі сюжэт выдання прысвечаны 26-му фестывалю аўтарскай песні «Бардаўская восень», які прайшоў у Падляскім ваяводстве (Польшча).
Праграма «Беларускі свет» выходзіць на «Белсаце» па аўторках а 19:05. Глядзіце праз спадарожнік «Астра 4A» (ранейшая назва «Sirius 4»), онлайн і ў архіве на нашай старонцы.
