Нават на Чукотцы ён чуў матчыну мову

У сямейнай пары Кульбіцкіх няма сумневу, што адказаць на 12-е пытанне перапісу насельніцтва пра родную мову. Муж Аляксей і жонка Аляксандра роднаю лічаць беларускую, хаця ў кожнага да яе быў свой шлях, пра які яны і распавядаюць Глебу Лабадзенку.

https://belsat.eu/news/perapis-zvyarnitse-uvagu-na-pytanne-numar-12/

Аляксандра Кульбіцкая размаўляе па-беларуску апошнія 12 гадоў. Але яна прызнаецца, што часам пад ціскам расейскамоўнага атачэння пачынае думаць і, што цікава, сварыцца па-расейску.

Нягледзячы на тое, што дзяцінства Аляксея Кульбіцкага прыпала на савецкія часы, мама з маленства размаўляла з ім і пела яму песні выключна па-беларуску. Бацька быў вайскоўцам, і нават калі сям’я трапіла на Чукотку, мама прыклала ўсе намаганні, каб сын не забыў мовы. Таму беларуская – гэта сапраўды матчына мова для Аляксея.

У прафесійным жыцці маладых людзей таксама не бракуе беларускай. Аляксей – арт-дырэктар студыі ўэб-дызайну «PRAS». Маладзён распавядае, што ад самага пачатку заснавальнікі студыі імкнуліся да таго, каб іхная прадукцыя мела беларускі ўхіл. З гэтай прычыны раней шмат што яны рабілі за свой кошт – тыя ж беларускія версіі сайтаў. Але апошнім часам тэндэнцыя змяняецца, і цяпер кліенты самі просяць зрабіць беларускую версію прадукцыі. Аляксандры ж так надакучылі пластыкавыя пакеты, што яны з сяброўкамі пачалі шыць торбы ды кулькі з тканіны. Так паўстаў праект «Торба Шоу», старонка якога, дарэчы, створаная толькі па-беларуску.

https://belsat.eu/news/spyavachka-rusya-maya-mama-z-azerbajdzhanu-ale-belaruskaya-mova-maya-rodnaya/

Пра тое, як сям’я Кульбіцкіх разам з суседзямі дамаглася стварыць парк замест пусткі ў спальным раёне, і пра тое, дзе месцяцца родныя сімвалы для сужэнцаў, – глядзіце ў выданні «Мовы нанова». Таксама ў праграме Алеся Літвіноўская распавядзе пра паронімы – словы, якія гучаць і пішуцца падобна, аднак маюць рознае значэнне.

Адукацыйную праграму «Мова Нанова» глядзіце кожную нядзелю а 20:15 на тэлеканале «Белсат» праз спадарожнік «Астра 4A» (ранейшая назва – «Sirius4»), онлайн або ў закладцы «Праграмы» на нашай старонцы.

 

Больш матэрыялаў

Фотаздымкі, якія адкрылі ўсяму свету прыгажосць Беларусі

Актор пра сваё чумавое дзяцінства з калготкамі, воданапорнай вежай ды іншае

Беларускамоўны штучны інтэлект – цацка ці незаменны памагаты?

700 тыс. рэспіратараў – недастаткова. Беларусы аб’ядналіся, каб дапамагчы медыкам

Вакаліст «Старога Ольсы» зайграў «Тры чарапахі»… на гуслях!

Эколаг распавёў, дзе ў Беларусі пачынаецца Балтыка

Аўтар будаўнічага блогу паказаў свой дом з сонечнымі батарэямі

Грунвальд на лінолеуме: старая тэхніка гравюры на новым матэрыяле