Нафтавая вайна: што будзе з коштам на бензін?

У 2008 годзе беларус на мадальны заробак мог набыць 17 каністраў паліва. У 2020-м можа столькі ж. Пры тым кошт бензіну пастаянна расце – хоць на капейку. Ды яшчэ і Расея з Беларуссю ніяк не могуць дамовіцца пра пастаўкі сыравіны. Дык у чым фокус? Разбіраецца эксперт праграмы «Асабісты капітал» Міхал Залескі.

Як я быў малы, то чуў, як дзяды каля крамы разважалі, колькі можна было купіць булак хлеба на адну зарплату за царом, за польскім часам і за другімі саветамі. Без хлеба і цяпер не пражывеш, але можаш без хлеба застацца, калі не заправіш своечасова машыну. Стратэгічны рэсурс амаль кожнай сям’і цяпер – паліва. Пра кошт рэсурсу ў відавочным вымярэнні і пагаворым.

А паліва вырабляюць з нафты, а нафту наш край прызвычаіўся купляць з Расеі, а Расея ўжо не тая, што раней.

Як захоча нас прыпужнуць, раз – і кранік перакрывае. І што цяпер?

Вяскоўцы паднялі бунт: няма бензіну – не ідзем на выбары

А тое, што й раней. Аб’ёмы і глыбіня перапрацоўкі нафты растуць. Цана на яе расце. Доля нафтапрадуктаў у нашым экспарце расла. Ці будзе далей? Пабачым.

А вось паліва для аўтамабіляў куплялі ўсе, хто іх мае, купляюць і будуць купляць, пакуль самім на ежу хапае. І прадаецца тое паліва ўвесь час за беларускія грошы. Таму рэальны кошт статыстыка не ўлоўлівае.

Дык мы вырашылі паглядзець так: колькі 20-літровых каністраў бензіну можа набыць тутэйшы яздок на мадальную, то бок самую распаўсюджаную зарплату.

Мы бачым увасабленне стабільнасці. Ні ваганні імпарту разам з лініяй Пуціна, ні ваганні сусветнай цаны на сыравіну не ўплываюць.

2 лютага вырастуць кошты на паліва

Залатая прапорцыя, вызначаная для «простого челавека» ў нетрах нейкіх адміністрацыяў незлічонымі адміністратарамі, непарушная.

Ці ёсць у тым нешта дзіўнае? Не думаю. Бо ў той жа меры, што і мы, залежаць ад кошту нафты нашы заходнія бліжнія і дальнія суседзі.

І замест тутэйшай стабільнасці мы бачым нейкі нездаровы рост. Магчымасці сярэдне нармальнага немца ўзраслі.

Ён можа купіць на свой сярэдні заробак на 9 каністраў болей. Хопіць яму хіба да нас на экскурсію прыехаць, павучыцца жыць і дадому вярнуцца. І ўсё – купляючы ў рускіх за большыя грошы, чым мы купляем.

Амаль палова беларусаў жыве менш чым на 16 рублёў на дзень

І вось чаму так? Здавалася б, і фраў Мэркель там на пасадзе доўга сядзіць, і эканомікі нашы экспартаарыентаваныя. І орднунг, то бок парадак, любім.

І неяк крыўдна за нашу стабільнасць робіцца. Не ў тым сэнсе, што яны могуць паліва купіць у пяць разоў болей за нас. Столькі мо й не трэба.

А таму, што яны неяк сунуцца наперад, а мы неяк таўчомся больш на адным месцы.

Можна, праўда, ганарыцца, што паліва экспартуем як нейкі эмірат.

Але чамусьці прыпамінаецца праз тое класік наш, Багушэвіч: «Свет дрывамі закідае! А ў хаце – зварыць страву, пашчапае стару лаву!» Ён яшчэ абзываўся за тое, а я не буду. Поспехаў.

Таксама ў праграме «Асабісты капітал»:

  • Асцярожна – падробкі. Як украінскія тавары выдаюць за беларускія
  • Як зэканоміць на аплаце камунальных паслуг?
  • Жыхароў прыватных дамоў з цэнтру Менску хочуць перасяліць у Смалявічы

Глядзіце праграму «Асабісты капітал» кожны панядзелак а 19:00 на тэлеканале «Белсат», а таксама онлайн на нашым сайце. Далучайцеся да нашых старонак ў Facebook ды Одноклассниках. Падпісвайцеся на нашу рассылку і раз на месяц вы будзеце атрымліваць ліст з чатырма найбольш карыснымі сюжэтамі «Асабістага капіталу».

Міхал Залесскі, belsat.eu

Больш матэрыялаў

У Беларусі патрэбны цэнтр для крызісных сітуацыяў

«Беларусь паступова ператворыцца ў Прыднястроўе». Што выратуе эканоміку?

Колькі плацяць беларусы за міліцэйскі гвалт?


Грошы скончыліся. Як выжыць без іх?

«Каму гэтая інфармацыя што дасць?» Як ад беларусаў хаваюць сапраўдны маштаб эпідэміі

Грошы на чужой бядзе. Хто нажываецца на эпідэміі?

Новая нармальнасць. Якой будзе Беларусь пасля пандэміі?

Каронакрызіс. Параўналі дзяржаўную дапамогу ў Беларусі ды іншых краінах