На заводзе пад Петрыкавам людзі паўгода чакаюць заробак

Валянціна Шляга працуе вартаўнічкаю на керамзітавым заводзе пад Петрыкавам. Калі кіраўніцтва прадпрыемства даведалася пра прыезд нашай здымачнай групы, то загадала зачыніць браму і нікога не пушчаць.

У праграму «Маю права» спадарыня Валянціна звярнулася, бо не атрымала заробку яшчэ за снежань 2019 года.

«То яны казалі [кіраўніцтва], што крэдыт узялі, аддадзім. Пасля цішыня. Пазней казалі – каронавірус, – скардзіцца Валянціна Шляга. – Дык каронавірус… Мне ж таксама трэба нейкія лекі набыць, маску тую ж… Не, ну неяк жа жыць трэба?!»

Два гады таму завод арандавала прыватная кампанія «Дом керамзіту». Ужо праз год пачаліся праблемы з выплатамі. А днямі дзейнасць на прадпрыемстве ўвогуле спынілася. Працаўнікі неаднаразова звярталіся ў органы кантролю – безвынікова.

«Я таксама тэлефанавала ў Жыткавічы. У нас тут няма, а ў Жыткавічах ёсць, дзе разглядаюцца працоўныя спрэчкі. Паразмаўлялі. А яны мне і кажуць: «Сёння тэлефанаваў ваш дырэктар!» А я і кажу: «Дык мне што рабіць?» Адказалі: «Ідзіце ў суд!», – распавядае Валянціна.

Месяц працы без выходных і святаў. Заробак 136 рублёў. Як жывецца калгаснікам?

Менавіта ў дзень здымак на прадпрыемства прыехалі чыноўнікі з Гомля. Пад пагрозаю звальнення работнікам забаранілі выходзіць да нашай здымачнай групы. Але спадарыню Валянціну гэта не спужала.

«Звальняйце! – кажа камусьці тэлефоне Валянціна праз тэлефон. – Толькі грошы мне аддайце, ды я пайду з Богам!»

Каб паразмаўляць з намі, Валерый Сумар, кіроўца «Дому керамзіту», выехаў за межы прадпрыемства, – на аўтазаправачную станцыю. Вінныя мужчыну каля дзвюх тысячаў рублёў, на што ён паскардзіўся ў дэпартамент аховы працы.

«Яны мне там казалі, што дэпартамент аховы працы не ўпаўнаважаны вырашаць гэтыя пытанні, так як я працую па дамове падраду. Я запытаў: «Калі я працую па дамове падраду, то значыць я ніхто?» Яны адказалі, што трэба звяртацца ў суд», – кажа Валерый.

Тады спадар Валерый напісаў скаргу ў Савет Рэспублікі. Пакуль чакае адказу, звярнуўся па спагнанне заробленых грошай да натарыуса.

«Гэта не суд, але праз судовых выканаўцаў, натарыус афармляе выканаўчы надпіс. І ўжо без згоды банк з рахунку [даўжніка] мусіць перавесці запазычанасць на мой рахунак, плюс выдаткі на натарыуса», – тлумачыць мужчына.

Кіроўцы Менсктрансу скардзяцца на ўмовы працы, штрафы і ціск кіраўніцтва

Каб даведацца, ці будуць выплочвацца заробкі, мы патэлефанавалі на прыватны нумар Аляксея Асіпенкі, аднаго з уладальнікаў «Дому керамзіту».

«У нас пакуль прадпрыемства не працуе, – у кагосьці за 3 месяцы запазычанасць, хтосьці цалкам разлічаны. Няма такога, каб за 4 месяцы цалкам не быў разлічаны працаўнік. Выплочваецца часткамі, як грошы з’яўляюцца, так і разлічваемся. У планах у нас да канца траўня з імі разлічыцца цалкам», – распавёў Аляксей Асіпенка.

Леанід Судаленка, юрыст Незалежнага прафсаюзу радыёэлектроннай прамысловасці, лічыць зварот да натарыуса адным з самых дзейсных крокаў. Але далёка не панацэяй.

«Мая парада ўсім, калі бачыце, што вам не заплацілі месяц, прыглядзіцеся ўважліва, чаму гэта адбылося. Ну, яшчэ можна месяц папрацаваць, і потым трэба шукаць сабе ўжо другога раджу», – кажа юрыст.

Таксама ў праграме «Маю права»:

  • Маладзён адстойвае сваё права не ісці ў войска
  • Людміла Кучура ў рубрыцы «Партрэт праваабаронцы»
  • Менчукі адстаялі пляцоўку для сабакаў

Праваабарончую праграму «Маю права» глядзіце кожную сераду а 19:05 на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн або ў закладцы «Праграмы» на нашай старонцы.

Больш матэрыялаў

Звярыная жорсткасць: берасцейцу праламалі чэрап і распачалі супраць яго крымінальную справу

«Нас не замаляваць, не сцерці, не разарваць». Жыхары плошчы Пераменаў працягваюць барацьбу

Улады бяруць у закладнікі дзяцей актывістаў

Былога міліцыянта забралі на Акрэсціна

Мужчына пайшоў у краму – яго ледзь не застрэлілі

Дзіцячаму доктару закідаюць правапарушэнне, якога той не рабіў. Невінаватасць пацвярджаюць камеры відэаназірання

Мужчына праз невыносны боль ходзіць на працу, бо не можа атрымаць інваліднасці

Мужчына дапамог ДАІ злавіць парушальнікаў і сам атрымаў штраф