Як улады прадаюць у Расею таннае мяса, падвышаючы вонкавы доўг Беларусі.
Рэнтабельнасць вытворчасці ялавічыны ў краіне – мінус 35 %. Сабекошт аднаго кілаграма прывагі – каля 30 рублёў, па экспертных ацэнках.
«Пры такіх паказніках, каб мець зыск са сваёй безнадзейнай справы, жывёлаводы павінны прадаваць ялавічыну выніковаму спажыўцу, то бок нам з вамі, па 60 рублёў за кілаграм. Або адпусціць кароў на волю», – адзначае эксперт «Асабістага капіталу» Міхал Залескі.
Але пастаўкі беларускай ялавічыны за мяжу, пераважна ў Расею, толькі растуць. Летась, напрыклад, прадалі на 13% больш, чым у 2016 годзе. Прычым, пры сабекошце ў 30 рублёў, мы прадавалі мяса па 7 рублёў 32 капейкі.
«Купілі б людзі і тут па такім кошце, але ж не за валюту. Валюта дзяржаве патрэбная, каб за пазыкі разлічвацца. А пазычае ўлада, каб падтрымліваць сельскую гаспадарку», – тлумачыць Міхал Залескі.
А як нашая жывёлагадоўля апынулася там, дзе зараз знаходзіцца – глядзіце ў сюжэце праграмы «Асабісты капітал» (відэа вышэй).
А гэта – праграма «Асабісты капітал» цалкам:
