Паводле аднаго з каардынатараў валанцёрскай дапамогі медыкам Міхаіла Чупрынскага, кожная краіна, якая сутыкнулася з пандэміяй, не магла загадзя ацаніць маштабу праблемы і падрыхтавацца на 100 %. І сёння валанцёрскі рух толькі падтрымлівае беларускіх медыкаў, асноўныя патрэбы мусіць здавальняць беларуская прамысловасць. Ініцыятыўныя людзі толькі выігрываюць час для складанай машыны прамысловасці, якая не можа вельмі хутка пераарыентавацца.
- Колькі ахоўных касцюмаў трэба, каб перадухіліць распаўсюд інфекцыі?
- Ці пайшло Міністэрства аховы здароўя насустрач валанцёрам?
- Чаму не ўдалося падрыхтавацца да пандэміі?
На гэтыя ды іншыя пытанні ў эфіры «Размовы ProContra» з Віталём Цыганковым і Святланаю Калінкінай адказвае адзін з каардынатараў валанцёрскай дапамогі медыкам, сябра Менскага хакерспэйсу Міхаіл Чупрынскі.
Спецыяльна для тых, каму зручней слухаць, а не глядзець, «Размова» запусціла падкасты. Калі вы займаецеся хатнімі справамі, кіруеце машынай ці проста не жадаеце сачыць за мільгаценнем кадраў – гэта для вас.
