Мужчына пайшоў у краму – яго ледзь не застрэлілі

Увечары 09.08.2020 года мянчук Аляксандр Пастухоў выйшаў у краму па цыгарэты. У той дзень ён завітаў да свайго бацькі ў госці. З крамы Аляксандр не вярнуўся.

«Я схадзіў у «Карону» і ўжо вяртаўся. Насупраць, падаецца, прыпынку «Гусоўскага» на лужку былі мітынгоўцы і АМАП, – прыгадвае падзеі Аляксандр. – Я ўзняў рукі на знак падтрымкі і пайшоў далей. Праз пару крокаў адчуў рэзкі боль у грудзях. Адразу не зразумеў, але пачаў неяк завальвацца ў бок. Пасля гляджу на рукі – усё ў крыві».

Гумавая куля трапіла ў лёгкае мужчыны. Як разгортваліся падзеі далей, спадар Аляксандр памятае кепска:

«Напэўна, прадстаўнікі МУС мяне кудысьці пацягнулі. Я не памятую, на чым я ехаў. Па-першае, акуляры кудысьці падзеліся. Па-другое, губляў прытомнасць. Памятую, кудысьці везлі. Пасля, быўшы ў коме, час ад часу прыходзіў у прытомнасць…»

Колькі плацяць беларусы за міліцэйскі гвалт?


Вайсковы шпіталь – адзінае месца ў Менску, дзе лекуюць агнястрэльныя раненні, там карэспандэнты «Маю права» першы раз і адведалі Аляксандра. Ён заставаўся ў коме тры дні. Увесь гэты час ягоныя родныя не ведалі, дзе ён і што з ім: ягоны заплечнік з дакументамі застаўся ў міліцыянтаў.

«На Акрэсціна два дні прадзяжурылі, ніякай інфармацыі не было, – распавядае брат Аляксандра Павел Пастухоў. – Па шпіталям тэлефанавалі, з такім прозвішчам да іх ніхто не трапляў».

Карэспандэнты «Маю права» зноўку адведалі Аляксандра амаль праз месяц, калі ён быў ужо ўдома.

«Тры дні таму знялі апошнія швы. Вялікая радасць – можна была цалкам прыняць душ», – кажа мужчына.

«Таго, што не дыхаў, выкінулі з аўтазака». Сведчанні ахвяраў гвалту

Пакуль асаблівых рэабілітацыйных практыкаванняў мужчына не робіць: дыхае праз трубачку ды займаецца лячэбнаю фізкультураю. Аляксандру выдалілі частку лёгкага. Каб цалкам аднавіцца, можа спатрэбіцца каля шасці месяцаў.

Аляксандр Пастухоў кажа, што крымінальнай справы за гэты час так і не распачалі. Таму ён звярнуўся па парады да праваабаронцаў.

Дзіцячаму доктару закідаюць правапарушэнне, якога той не рабіў. Невінаватасць пацвярджаюць камеры відэаназірання

У праваабарончым цэнтры «Вясна» пацярпелым надаюць комплексную дапамогу. Юрысты працуюць у цесным кантакце з псіхолагамі і валанцёрскімі ініцыятывамі. Але самае галоўнае – тут дапамогуць аформіць усе неабходныя дакументы, каб дабіцца расследавання справы і пакарання вінаватых.

«Трэба звяртацца ў Следчы камітэт з заяваю, таму што ў дачыненні асобы здзейсненае злачынства, – кажа прадстаўнік праваабарончага цэнтру «Вясна» Аляксей Лойка. – Ніхто сілаю прымушаць не будзе. Але важна разумець: сёння мы даруем гэта, заўтра стане яшчэ горш».

Таксама ў праграме «Маю права»:

  • Праваабаронцы аб’ядналіся, каб бараніць грамадзянаў
  • Пра ролю і мэты – у рубрыцы «Ведай свае правы!»
  • Студэнты ВНУ патрабуюць пераменаў

Праваабарончую праграму «Маю права» глядзіце кожную пятніцу а 19:05 на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн, на YouTube-канале «Белсат Life» або ў закладцы «Праграмы» на нашай старонцы.

Больш матэрыялаў

Улады пераследуюць нават музыкаў

Звярыная жорсткасць: берасцейцу праламалі чэрап і распачалі супраць яго крымінальную справу

«Нас не замаляваць, не сцерці, не разарваць». Жыхары плошчы Пераменаў працягваюць барацьбу

Улады бяруць у закладнікі дзяцей актывістаў

Былога міліцыянта забралі на Акрэсціна

Дзіцячаму доктару закідаюць правапарушэнне, якога той не рабіў. Невінаватасць пацвярджаюць камеры відэаназірання

Мужчына праз невыносны боль ходзіць на працу, бо не можа атрымаць інваліднасці

На заводзе пад Петрыкавам людзі паўгода чакаюць заробак