Муж начуе ў машыне, жонка – на вакзале: суд выселіў пенсіянераў на вуліцу

Дом, у якім месцілася кватэра спадара Леаніда і ягонае жонкі, знеслі, але мужчына дагэтуль у ім прапісаны. Іншага жытла няма, пенсіянераў выселілі проста на вуліцу.

Кватэра была дзяржаўнаю, чарга на ўласную гэтак і не падышла, а ў прыватызацыі ім адмовілі. Потым дом пастанавілі знесці і забудоўнік вылучыў жыхарам новую кватэру наўзамен старое, але раённыя ўлады выступілі супраць.

Гэтую гісторыю ўскладняе тое, што маёмасць у сям’і ўсё ж была: Леанід атрымаў у спадчыну ад маці частку прыватнага дому. Але застаўся жыць у арэндавай кватэры, а частку дому падараваў жонцы Ніне. Потым гэты стары дом знеслі ды заплацілі за яго грашовую кампенсацыю, якую спадарыня Ніна цалкам аддала дзецям, а сама вярнулася да Леаніда ў арэндавую кватэру.

Праз нейкі час Леанід і Ніна дазналіся, што іх высяляюць. Калі ў сужэнцаў з’явілася спадчынная частка дому, яны, паводле закону, адразу страцілі права жыць у арэндавым жытле. Але пенсіянераў ніхто пра тое не папярэдзіў. Адпаведна, на новую кватэру ад забудоўніка яны не маюць права, як і на сацыяльнае жытло.

На судзе нават пракурор быў супраць высялення пенсіянераў, але суд пастанавіў інакш. Спадарыня Ніна прызнае, што зрабіла памылку, аддаўшы грошы родным. Яна прасіла ў суда хоць якое сацыяльнае жытло, каб не замінаць унукам у аднапакаёўцы. Адбылося ўжо восем судоў і паўсюль пенсіянерам адмовілі ў праве на жытло.

Падставы, паводле якіх могуць выселіць з дзяржаўнага жытла, не прапануючы іншага, прапісаныя ў жыллёвым кодэксе. Падрабязнасці – у сюжэце праграмы «Асабісты капітал» (відэа вышэй).

А гэта – праграма «Асабісты капітал» цалкам:

Больш матэрыялаў

У Беларусі патрэбны цэнтр для крызісных сітуацыяў

«Беларусь паступова ператворыцца ў Прыднястроўе». Што выратуе эканоміку?

Колькі плацяць беларусы за міліцэйскі гвалт?


Грошы скончыліся. Як выжыць без іх?

«Каму гэтая інфармацыя што дасць?» Як ад беларусаў хаваюць сапраўдны маштаб эпідэміі

Грошы на чужой бядзе. Хто нажываецца на эпідэміі?

Новая нармальнасць. Якой будзе Беларусь пасля пандэміі?

Каронакрызіс. Параўналі дзяржаўную дапамогу ў Беларусі ды іншых краінах