На мінулым тыдні Аляксандр Лукашэнка не стрымліваўся ў заявах: былі і абяцанні дапамагчы ўрэгуляваць канфлікт паміж Украінай і Расеяй, і палепшыць адносіны з ЗША. Вядучая праграмы «Размова тыдня» Святлана Калінкіна разам з гасцямі палітолагам Ігарам Драко ды кіраўніком полацкай філіі Беларускай асацыяцыі журналістаў Віктарам Стукавым абмеркавалі галоўныя падзеі тыдня.
Жаданне Лукашэнкі выйсці ў шырокі свет палітыкі абумоўлена ў першую чаргу тым, што ўсё цяжэй вырашаць праблемы на нацыянальным узроўні, упэўнены палітолаг Ігар Драко. Прапанова дапамагчы ва ўрэгуляванні ўкраінска – расейскага канфлікту – палітычны экспромт.
«Не думаю, што прынята стратэгічнае рашэнне ў аператыўна – аналітычным цэнтры ці ў нейкай радзе, што каля Лукашэнкі сядзіць. Проста: «Давайце вось гэта закінем». І закідваюць, – выказаўся палітолаг. – Лукашэнка занадта балбатлівы чалавек. Калі ён збіраецца на нейкія міжнародныя канферэнцыі, ён забываецца, што ён прыехаў не ў Віцебск, не ў Полацк, не ў Іўе».
Кіраўнік полацкай філіі Беларускай асацыяцыі журналістаў Віктар Стукаў зазначыў, што простым людзям увогуле не цікавыя тэмы, якія непасрэдна іх не тычацца. Кошты на бульбу куды больш актуальнае пытанне ў рэгіёнах, чым узаемаадносіны Беларусі, Украіны, Расеі і ЗША.
Таксама ў праграма «Размова тыдня» са Святланай Калінкінай і яе гасцямі палітолагам Ігарам Драко і кіраўніком полацкай філіі Беларускай асацыяцыі журналістаў Віктарам Стукавым: