Маёмасць знеслі, гаспадароў затрымалі. Юрысты мяркуюць, што гэтак чыноўнікі замятаюць сляды

Гэтым разам здымачная група «Маю права» прыехала ў Магілёўскі раён, у вёску Таранава, па адрасе Цэнтральная 2а. Тут спецтэхніка зносіла падмурак, які заліла пад свой дом сям’я Чарнагаловых.

Магілёўскі райвыканкам прызнаў падмурак самавольнаю пабудоваю і забавязаў галаву сям’і, Сяргея Чарнагалова, знесці яго за свой кошт. Летась у сакавіку Сяргей падаў пазоў у суд аб прызнанні права ўласнасці на падмурак. Але за пару дзён да суда прадмет пазову прыехалі зносіць.

«На сёння, як мне паведамілі юрысты, прычына зносу – каб знесці прадмет пазову, каб за маёй спінай разбурыць мой пазоў», – кажа Сяргей Чарнагалоў.

Пра знос падмурку Сяргей даведаўся выпадкова. Міліцыя, якую выклікалі браты, Сяргей і Раман Чарнагаловы, каб спыніць разбурэнне фундаменту, узяла бок райвыканкаму. Сяргей з братам да апошняга стаялі на падмурку, каб тэхніка не магла яго знішчыць. І тады працаўнікі міліцыі ўжылі супраць іх сілу і завезлі ў пастарунак. Братоў Чарнагаловых абвінавацілі ў дробным хуліганстве і непадпарадкаванні патрабаванням міліцыі. Пасля ночы ў ізалятары часовага ўтрымання іх прывезлі на суд. Там сваіх сыноў і чакала Надзея Панасюгіна.

«У нас ж рука руку мые і гонар мундзіра бароніць. А людзей – ніхто, толькі гонар мундзіра!» – абураецца Надзея.

Жорсткае затрыманне ў Рэчыцы: надзелі кайданкі, сцягнулі вопратку

Штопраўда, суд за хуліганства так і не адбыўся: справу вярнулі ў РАУС на дапрацоўванне, а братоў адпусцілі. Падмурак жа на гэты момант быў ужо цалкам знішчаны.

«Ведаеце, мне балюча, і крыўдна, і смешна, але ў нас у Магілёве я ведаю шмат вольных месцаў, – распавяла нам спадарыня Надзея, – недагледжаных дамоў, усяго. Але камусьці патрэбны менавіта той участак. І камусьці трэба разбіць, разарваць маю сям’ю на часткі».

Менавіта спадарыня Надзея 12 гадоў таму набыла дом у вёсцы Таранава. Пазней дом яна падарыла свайму сыну Сяргею. Ён дом знёс і пабудаваў на надзеле новы падмурак. З гэтага часу і пачаліся праблемы.

«Яны мне абвесцілі, што ў мяне самабуд. Я кажу: не, не самабуд. Я атрымаў дазвол на знос, атрымаў дазвол на будаўніцтва», – кажа Сяргей Чарнагалоў.

Тры гады таму суд Магілёўскага раёну пастанавіў: тэхпашпарт не адпавядае збудаванню, і ануляваў усе рэгістрацыі ды ўгоды.

«Я гэта расцэньваю як захоп маёй зямлі. Калі быў панятак «рэйдарскі захоп», то гэта ён, – распавядае Сяргей Чарнагалоў. – Я падыходжу з пазіцыі права, яны падыходзяць з пазіцыі сілы».

У Глуску за наркотыкі судзяць 71-гадовага пенсіянера. Родныя мяркуюць, што гэта помста міліцыі

Каб прыпыніць выкананне рашэння райвыканкаму, Сяргей аднёс заявы ў пракуратуру, міліцыю і ў суд.

«Сяргей просіць прыпыніць знос падмурку. Замест гэтага суддзя адказвае, што яна не можа прыпыніць вытворчасць па справе. У той жа час вытворчасць па справе і прыпыненне абскарджанага дзеяння – гэта зусім розныя паняткі, – тлумачыць сітуацыю праваабаронец Аляксандр Хамратаў. У дадзеным выпадку суддзя або заангажаваная, або не разумее, што яна піша ў сваіх адказах».

Карэспандэнт «Маю права» ўдакладніў у праваабаронца, ці ёсць у Сяргея Чарнагалова выйсце з гэтай сітуацыі.

«Спачатку яму давядзецца даказваць права ўласнасці, затым – незаконнасць зносу, і толькі пасля ён зможа патрабаваць вяртання сваіх грошай», – удакладніў Хамратаў.

Таксама ў праграме «Маю права»:

  • Маладзён спрабуе давесці, што быў пешаходам, а не кіроўцам
  • У Мазыры дзеці з інваліднасцю могуць пазбавіцца цэнтру
  • Працяг гісторыі з сумнікам у Міханавічах

Праваабарончую праграму «Маю права» глядзіце кожную сераду а 19:05 на тэлеканале «Белсат» праз спадарожнік «Астра 4A» (ранейшая назва «Sirius 4»), онлайн або ў закладцы «Праграмы» на нашай старонцы.

Больш матэрыялаў

Звярыная жорсткасць: берасцейцу праламалі чэрап і распачалі супраць яго крымінальную справу

«Нас не замаляваць, не сцерці, не разарваць». Жыхары плошчы Пераменаў працягваюць барацьбу

Улады бяруць у закладнікі дзяцей актывістаў

Былога міліцыянта забралі на Акрэсціна

Мужчына пайшоў у краму – яго ледзь не застрэлілі

Дзіцячаму доктару закідаюць правапарушэнне, якога той не рабіў. Невінаватасць пацвярджаюць камеры відэаназірання

Мужчына праз невыносны боль ходзіць на працу, бо не можа атрымаць інваліднасці

На заводзе пад Петрыкавам людзі паўгода чакаюць заробак