Аляксей Кірыенка – былы паплечнік Ганны Канапацкай, намеснік старшыні Аб’яднанай Грамадзянскай Партыі.
Як паказаў паліграф, у Аляксея няма матываў ачарніць палітыка, нейкага асабістага канфлікту паміж імі не было. Што праўда, ён галасаваў за выключэнне Канапацкай з шэрагаў АГП:
«Мы разумелі, што выбараў не было, што яе прызначылі дэпутатам [у 2016 годзе. – «Белсат»]. Але разам з тым мы хацелі выкарыстаць мандат на карысць. Каб Канапацкая падымала пытанне сумленных выбараў. Яна гэтага не зрабіла. Не выкарыстала трыбуны гэтак званага парламенту. І далей было шмат хлусні з ейнага боку».
Апошні цвік у труну даверу да Канапацкай, як сцвярджае госць праграмы «Шчыра кажучы», забіў ейны законапраект пра гарантыі для Лукашэнкі.
Аляксей Кірыенка не сумняецца, што Ганна Канапацкая, як і іншыя гэтак званыя кадыдаты-спойлеры, не сабралі неабходных 100 тысяч подпісаў для рэгістрацыі. Чаму гэтыя кандыдаты працягваюць гульню?
«Выкажу толькі сваё асабістае меркаванне, хоць шмат хто пагодзіцца з ім. Гэта кандыдаты-фрыкі, якія патрэбныя для карцінкі дэмакратычнага працэсу ў Беларусі. Магчыма ёй далі адмашку, папрасілі, зацікавілі, запужалі. Нешта такое сапраўды магло быць», – лічыць Кірыенка.
Адмыслова запрошаны верыфікатар Сяргей Малікаў упэўнены, што Аляксей кажа праўду: словы і мова цела сведчаць пра тое, што «ён цалкам шчыры».
Таксама з праграмы «Шчыра кажучы» вы дазнаецеся:
Глядзіце іншыя выданні «Шчыра кажучы».